جوزي مغلبني جدا في اكله
بيدقق في كل حاجة مبيحبش حاجات كتير مش اي اكل بيعجبه
وده طبعا بيؤذيني اولا انا بحب المطبخ جدا واحب اني اجدد واعمل حاجات كتيرة ومهتمة بكده قبل وبعد الجواز
لكن بعد الجواز كرهني ادخل المطبخ واعمل حاجة جديدةلانه مش هتعجبه اكيد
مع ان راي الناس بره في اكلي انه حلو
انا بعترف ان في اكلات بتبقى مش حلوة وده لعدم ممارستهالكن مش معقول كل الاكل كده
لا لا لا حرام قالي على اكلة مرة حلوة الحواوشي
طبعا هتقولولي انت هتنهبي
ناس توقلي بيدلع
لكن انا برجح ان ده بسبب دلعي انا انا اللي اخته على كده
مهيا كل واحده فينا بتحلم قبل الجواز ان بعد الجواز لازم تاخد راي جوزها في الاكل بتاع بكرة
لكن لوكنت عملت الاكل اللي على مزاجي وقولت له هو ده اكلي مكنش عمل كده
وده كمان بيخليني مش قادرة اتحكم في ميزانية البيت
وانا حاسة انه كل مابيقولي على الاكل عيب فيه عمري اكلي ماهيبقى حلو
معلش صدعتكو لكن الراجل ده هيجنني فعلا قولولي اعمل ايه الموضوع ابتدي ياثر على حالتي النفسية فعلا
حتى ابني عنده سنتين وعايش على لسان العصفور والزبادي هو كمان مغلبني بس ده طفل
بقى عندي اتنين في البيت هيجننوني
حالتي بقت صعبة اوي
قولولي اعمل ايه
والسلام عليكم مواضيع هذا القسم برعاية
ام مؤمن2016 ام مؤمن2016 images/avatars/peppers.jpg فتكات متميزة Fatakat 440507 القاهرة – مصر