السلام عليكم ورحمه الله وبركاته
ازيكم يا فتوكات وحشتوني اووي واستفدت منكم كتير اووي
المهم يا بنات انا كان عندي ومازال تكيس اولي
واخدت شهرين ومنشط وابر وتعبت ف بطلتها
وروحت لدكتوره قالتلي تعالي بعد اما تكملي سنه نشوف نعمل اشعه صبغه ومنشط تاني
انما انا الحمد لله ربنا هداني اعمل متابعه تبويض من غير منشط ولا اي حاجه والحمد لله
كنت تمام من غير اي علاج وبعت الكلام دا لدكتور عادل فاروق وحجم البويضات كمان رد عليا اي نعم
انما حسسني اني بكدب عليه وان مش دي الحقيقه "عاوزه اقوله وانا هحور ليه بس "
المهم من ساعه التبويض جاتلي التهابات شديده يعني انا اعدت سليمه ف التبويض خمس ايام حاجه زي كدا
وسافرت اسكندريه لاهلي ورجعت من كام يوم روحت لدكتوره عشان الالتهابات وادتني علاج اد كداااااااااااااااااااا
اخدته عادي وكلام معاها بيجيب كلام قلت لها ع التحاليل قالتلي يا ماما انتي مش هتخلفي الا بمنشط
تنحت قلت لها ياست الحاجه انا عملت متابعه تبويض من غير علاج وانا تمام الحمد لله
قالتلي هو كدا مش هتخلفي الا بمنشط وسيدوفاج وعلاج لهرمون اللبن مع العلم انا هرمون اللبن عندي تمام
خرجت من عندها متنحه وروحت البيت اعدت اعيط واقول لا حول ولا قوه الا بالله
وقلت ربنا قادر ع كل شئ ومفيش كام يوم يابنات انا االبيريود بتيجي ليا قبل معادها من اربع لخمس ايام
يعني طول البيريود بتاعتي بتاع 26 يوم تقريبا المهم لقيتها مش جت قلت يمكن من برشام المناعه
انما عندي احساس جوايا بيقولي في حاجه ومش عاوزه اتوهم المهم عدي تلت ايام ومقدرتش
وعملت الساعه 1 بالليل واول ما عملته كنت بترعش ف الحمام لقيت خط ظهر وبعديه ابتدي الخط التاني ظهر معاه
تنحت قلت انا بيتهيالي وقلت الاضاءه هنا ضعيفه طلعت ع المطبخ فتحت النور والسبوتات ع اخرها ووقفت تحتها لقيت خطين
روحت الصاله ف نور اكتر نفس الوضع
صحيت جوزي قلت له قوم قوم عوزاك :
لقيته عامل زي الايموشن دا تمام ايه في ايه
اديته التيست قلت له في كام خط قالي اتنين قلتله متاكد قالي اه اتنين اهم والله
قالي يعني ايه قلت له انا حااااااااااااااااااااااااااااااااااااااااااااااااا ااااااااااااااااااامل
جوزي تنح اووووووووووووووووي ومش مستوعب ولا انا بصراحه اعدنا نبص ع التيست شويه
وقالي نقطع الشك باليقين ونروح نحلل دم من الصدمه كان فاكر ان معامل التحاليل 24 ساعه
وقالي يلا ننزل وانا زي الهبله قلت له ماشي بنبص ف الفايل بتاع المعمل لقينا المعاد اخره 11
طبعا مش نمنا لتاني يوم اول ما المعمل فتح روحت وطلعت النتيجه ايجابي الحمد لله والشكر لله
وكنت برضه مش مستوعبه وقلت سبحان الله الدكتوره قالتلي ايه وربنا بيعمل ايه
يا جماعه بلاش نكتئب من كلام الدكاتره والله انا كنت بحبط واعد اعيط ويجيلي اكتئاب
وحاجات كتير من كلامهم وفي الاخر قلت ربنا لو رايد شئ يقول له كن فيكون وهو عليه هين
وتوكلت ع الله وكنت بستغفر ربنا كتير وبدعي ليا وليكم ولصحباتي كمان وربنا عالم في تلاته منهم
حوامل دلوقتي وانا حصلتهو وعقبال الباقي يارب
اخر حاجه يا بنات
الي حسيته قبل ما احلل شكل الصدر كان منتفخ جداااااااا وكان في مسامير مش طايقه لا برا
ولا انام عليه ولا حد يجي جنبي من الوجه وسوري الحلمات كانت غامقه وناشفه
والمغص عادي زي بتاع البيريود والانتفاخ والغازات وعادي طلعلي حبوب بتاعه البيريود
وحاجه اخيره النــــــــــــــــــــــــــــــــــــــــوم كنت بنام نوم ومازلت الحمد لله اكتر من 13 ساعه
اخر حاجه سوري ممكن تدعولي ربنا يثبتلي حملي ويكملهولي ع خير ربنا عالم انا محتاجه الحمل دا اد ايه
ويارب يرزق كل فتوكه وكل مسلمه نفسها في الحمل بالحمل الثابت السليم المعافي في القريب العاجل ياااااااااااااااااااااااارب
رغيت كتير انا سوري بحبكم في الله
عيون الجابري عيون الجابري 247707_3.gif فتكات متميزة Fatakat 247707 الاسكندريه سابقا والجيزه حاليا – مصر