السلام عليكم ورحمه الله يا فتاتيك
انا عارفه انكم بتحبوا الصور اوى ونا للاسف معنديش كاميرا ناو لكن صدقونى جربو الوصفه ومش هتندموا انا عملتها امبارح وبجد طلعت احلى من الخيال
يلا تعالوا المقادير
دجاجة كامله وممكن تعمليها بصدور او اوراك متخليش حاجه توقفك
مسترده
معلقه صغيره مايونيز وده اختيارى
معلقه صغيره خل عنب بلسمى وبرده اختيارى
تتبيله توم وفلفل احنا بنعملها بالبيت ( توم كتير مقشر +فلفل احمر ولو عاوزاها جوسى وجميل حضى الفلفل الاحمر الكبير بتاع الفلفل الالوان فى الكبه واضربيهم واخلطى معهم الملح بقى ولو حابه توابل اوكى )
معلقه كبيره عسل ابيض
كوب كبير مرقه ولو مفيش هاتى الماجى ودوبى فى مياه خمس دقايق بقى عندك مرقه
اخيرا التوابل ( كارى وفلفل اسود وملح وبودره توم وبودره بصل )
معلقه نشا عشان ربط الصوص
الطريقه :
هاتى الفرخه اقسميها من الظهر وافتحيها قدامك زى ما تكونى هتشويها ع الفحم واغلسيها بقى وروقيها وهاتى السكينه وشرطيها كده عشان التتبيله تخش جواها وتجيبى بعدها التومه والتوابل والخل البلسمى والملح وتقلبيهم وتدهنى بيهم الفاخ وتدخلى جوه الفتحات من الناحيتين وتجيبى طاسه ياريت تيفال كبيره وتحطيها ع النار وشويه زيت صغيرين واول ما تسخن تنزلى الفرخه تديها صدمه ولو نهار يحمر وتقلبيها والنار عاليه عادى وبعدا تجيبى طبق وتحطى معلقه المايونيز او بلاش منها عادى والمسترده اهم شى والعسل وتقلبيهم والعسل اكتر من المسترده ولما تلاقى الفرخه اتشوحت كده تحطى على جنب خلطه المسترده والعسل وتقلبى وبعدها تحطى المرقه وتقلبى هتلاقى بقى صوص خفيف اوى هتربطيه بشويه نشاء فى كوب مرقه على جنب وتحطيهم بس خلى الخطوه دى بعدين عشان تخلى الفرخه تستوى وكل ما تحتاج شوبه زودى عشان الفراخ نيه وتغطيها اهتلاقى الصوص تقل ونزلت الفرخه زيوتها هتشليها بالمعلقه لو تحبى عشان تبقى لايت والفرخه هتبقى واو ولا اكنها مشويه وتحتها رز بالمسكرات او البهارات وشوه بقدونس وادعيلى مواضيع هذا القسم برعاية
حياة عمرو حياة عمرو 485731_10.gif فتكات نشيطة Fatakat 485731 القاهره – مصر