انا والله العظيم هتجنن خلاص وقرفت من كل حاجه حواليا
دلوقتي انا استغفر الله العظيم يارب مش بطيق ريحه الحليب الطبيبعي ولا اللبن ابدا وكنت دايما بشرب لبن رايب جهينه وفجأ’ قريت على النت ان جهينه اصلا سواء لبن او زبادي لافيهم ريحه اللبن ولا البكتيريا اللي المفروض تكون في اللبن والزبادي وانها كلها مواد تانيه مش لبن خااالص
اما عن دانون اللي بردو كنت بحبه جدا خاصه الزبادي اللايت منه لقيت بنات بتقولي ده فيه ماده مأخوذه من السيراميك ….. )اللهم صلي على كامل النور)
طيب اعمل ايه؟
قولت خلاص هشرب بقى لبن من مزارع دينا لقيت اللي بتقولي ده البقر عندهم مريض مصدقتش لاني دايما حاسه ان الناس بتوع مزارع دينا دول محترمين هو احساس خاص معرفش سببه ايه بس بردو لقيتها بتحلف وبتأكد اووووي شككتني في احساسي
قولت خلاص اشرب المراعي بقى لقيت اللي بتقولي يالهوووووويز دي منتجاته فاسده وفيه معرفش ايه
انا كنت هعملهم زي احمد حلمي لما كان في المطار في عسل اسود كل مايقول حاجه اصحابه يردوا لما بيقول الناس هنا اللي يقول همج وواللي يقول حراميه كنت عاوزة اقولهم قوموا من جمبي قوموا من هناااااااااااااااااااااااااااا
طيب يارب اشرب ايه ولا اعمل ايه؟ مهو انا خايفه اقاطع يجيلي هشاشه عظام لاني اصلا مش بطيق خالص الالبان والحليب الطبيعيه استغفر الله العظيم حاولت كذا مره اشربه معدتي بتقلب اوي وببقى خلاص هرجع من ريحته حتى ماما دايما تقولي اصلا انتي سبتي الرضاعه لوحدك قبل ماتكملي سنه يعني من صغري بقرف من اللبن يادي النيله
كمان انا داخله على دايت جديد عشان انضف معدتي ولازم لبن او حليب او زبادي بس بعد اللي سمعته وشوفته ده والله خايفه جدا ونفسي اتسدت عن كل حاجه اعمل ايه واشرب ايه لما هو الحياه بقت سوده اوووووي كده ؟؟؟ واللبن مفيش شركه فيكي يامصر بتتقي ربنا ؟؟؟؟ ولا دي اوشاعات مغرضه ؟
على فكره والله العظيم ده مش كلامي ده كلام بنات و كلام لقيت بنات كاتبينه على النت انا بقول بس علشان مشيلش ذنب والله العظيم ده مش ذم ولا رايي الشخصي انا بتأكد منكم وجايز تكون اشاعات والله اعلم
معلش بقى اسفه على العنوان بس من يأسي ملقتش حاجه مناسبه غير كده
ultras.mazarita ultras.mazarita ممنوعة من المشاركة Fatakat 546164 المنصورة – مصر