ازيكم يااحلي فتوكات انا جبتلكم تجميعي الخاص للمهدئات الطبيعيه للاعصاب والمفيده في علاج حالات الحزن والكابه والاكتئاب الخفيف
وده من خلال دراستي فالنفسيه والعصبيه واثناء تدريبي اساتذة النفسيه والعصبيه في الكليه
نبدا بسم الله الرحمن الرحيم
1-الاستماع الي القرءان الكريم****اثبتت الابحاث ان الاستماع للقرءان باصوات القراء المفضلين ليه تاثير عجيب في تهدئة الاعصاب وتحسين الحاله المزاجيه
2-الماكولات***من اهم الماكولات اللي بتغير المود وتحسن الحاله المزاجيه هي
** الاسماك والماكولات البحريه كالجمبري والكابوريا والسي فود بكل انواعه
**الخضراوات الطازجه كالخس والجرجير والبقدونس والشبت والجزر والفلفل الرومي(يعني طبق سلطه متنوع وعليه عصير ليمونه ورشه كمون من غير ملح ممكن يحسن حالتك النفسيه جدا)
**البيض بكل انواعه برضه بيحسن الحاله المزاجيه
**الشيكولاته لاحتوائها علي الكافيين وماده السيريتونين بس خللي بالكم الشيكولاته بتبقي تاثيرها مؤقت بعد كده بتعمل زي ادمان تبقي محتاجه كميه اكبر لتشعري بالسعاده غير انها بتزود الوزن
3-النشروبات المهدئه للاعصاب
(اللبن الدافئ**الكاكاو**الينسون **النعناع**الكركديه المنقوع عالبارد**البردقوش**الكمون الساخن**الكاموميل او البابونج مهدئ هايل جدا للاعصاب**القرفه باللبن لغير الحوامل طبعا**الشاي الاخضر )
العصاير الطبيعيه كعصير التفاح وعصير الليمون وعصير البرتقال واليوسفي والتوت دول افضل العصاير لتهدئة الاعصاب
4-الماء البارد
وده كتبته لواحده لان كتير بينسي انه يشرب ماء بس الدراسات كلها اثبتت ان من اهم اسباب التوتر والصداع هو نقص الماء في الجسم
فاحرصي علي شرب 8اكواب من الماء خلال اليوم منهم 2كوب عالريق اول ماتصحي
جربوها وحتفرق معاكم كتير
5-الرياضه
ممارسة الرياضه وعلي راسها المشي والايروبكس بتحسن الحاله المزاجيه وتزيل التوتر العصبي حتي لو 10دقايق فاليوم
الخروج للاماكن المفتوحه كالحدائق والمنتزهات والتمشيه عالبحر للاسكندرنيه اللي زيي بتبقي حاجه مريحه جدا لاعصاب
6-الاسترخاء في حمام دافي لمده عشر دقايق
7-الفضفضه واخراج مافي النفس حتي لو تكتبيه في ورقه كل اللي جواكي وبعدها قطعي الورقه وارميها بتفرقركتير
8-التفكر والتدبر في نعم الله علينا وحمد الله عليها وده بيسموه التفكير الايجابي
يعني لما تكوني حاسه ان الدنيا كلها وحشه افتكري نعمه من نعم ربنا عليكي وانوغيرك محروم منها البصر او السمع او العقل او الصحه وغيرها من نعم ربنا عليكي
9-ذكر الله تعالي
خصصي لنفسك كل يوم عشر دقايق اول ماتصحي او قبل النوم واختاري ذكر معين وافضلي قوليه العشر دقايق دول بس بالراحه اوي
وكل يوم اختاري ذكر تاني علشان ماتمليش
جربيها وحتدعيلي عن تجربه شخصيه بحس بعدها براحه عجيبه
10-قللي قدر الامكان من الشاي والقهوه والمشروبات الغازيه لانها منبهات ومعوالوقت بتعمل توتر في الجهاز العصبي
ده حاجه بسيطه حولت اقدمها لاحلي منتدي واجمل بنات
ويارب اكون افدتكم يارب
وماتنسوش الدعاء لساره بنتي بالشفاء العاجل
واي سؤال انا تحت امركم
om_maryam om_maryam 144531_4.gif فتكات ست الكل Fatakat 144531 kuwait – farawania