طبعا يافتوكات كلنا عارفين انالخرشوف غني جدا بالحديد علشان كده انا جايبلكم النهارده طريقتين تعملو ه بيها………….. اول طريقه يافتوكه لوعيزاه طبق رئيسي تعمليه يبقى مطبوخ
المقادير
لحمه متقطعه مكعبات ..بصله كبيره..4فصوص ثوم..طماطم مضروبه في الخلاط بنظرك حسب الكميه الي حتعمليها..ملح وفلفل اسمر..4معالق زيت كبار..خرشوف متقطع مكعبات
الطريقه
حتشوحي اللحمه في شوية الزيت لحد مالونها يروح كده وبعدين حطي البصل والثوم والفلفل الاسمر لما البصله تصفر وبعدين حطي الطماطم تتسبك وزوديها شوية ميه ولما اللحمه تدخل على سوا حطى الخرشوف والملح وبعدين تسيبى الخرشوف يستوى واعملى جمبه شوية رز بشعريه وبالهنا والشفا بيبقى زى العسل هتسيبى اللحمه وهتاكلى الخرشوف
الطريقه الثانيه هتبقى شيك جدا فى العزومات
المقادير
خرشوف متنضف ومسلوق نص سلقه_لحمه مفرومه_بصلتين كبار_معلقة زبده_لتغطية الوش:3معالق كبار دقيق_بيضه_حبة فلفل اسمر_حبة لبن صغيرين مخلوطين مع بعض وتخلى سمكهم زى البشاميل العادى
الطريقه
تجيبى صينيه وتدهنيها زيت و ترصى فيها الخرشوف.تعصجى اللحمه بالبصل بمعلقة الزبده والملح والفلفل الاسمر وبعدين تحشى الخرشوف اللى انتى رصاه فى الصينيه بالمعلقه وتغطى وش كل واحدة خرشوف بمعلقة بشاميل من اللى انتى عملاه وتزودى الصينيه شوية شربه صغيرين بحيث تكملى سوا الخرشوف وتدخليها الفرن تنشف وتاخد لون من فوق…….والله يا بنات بتبقى خطيييييييييييييييييييييره
ملحووووووووووووظه
لو الخرشوف مكنش معدول فى الصينيه ممكن تساويه من تحت بالسكينه
معلش يا بنات انا مصورتش الخطوات لانى مبعرفش ارفع الصور
بقلكو ايه استنو هنا فين التقييييييييم وعايزه ردود تهز شباك المدونة ده انا جايبه طبختين فى الجون
مواضيع هذا القسم برعاية
مرارميروو مرارميروو 669608_4.gif فتكات متميزة Fatakat 669608 البحيره – مصر