السلام عليكم يا بناتيت وعرايس ويا مدامات بردو يعنى احنا مالناش نفس
انا متجوزة بقالى فترة وطبعا مش بس شفت افكار لا انا مارستها بنفسي
وصلحت وهصلح لسة
وعشان كده حبيت افيد البنات اللى لسة هتبدا حياتها
نبدا بسم الله
دولاب الحمام حبيبى حبيبى حبيبى
ايا كانت مساحته متتحججيش
مفيد جدا جدا جدا
بتحطى فيه حسب المساحة طبعا الشامبوهات المكررة وتطلعى ع الرف اللى بتستخدميه بس
والوصفات الطبيعى اللى مش هتبقى ع الرف ومسك تعطير الاماكن الحساسة وفوط الاولويز والفوط القطن الصغيرة
وكريمات الترطيب وخزين الصابون والجنرال والليفة الحمام
وغسول بشرتك والتونر وزبدة كاكاو وبرفيوم صغير
يعنى تطلعى من الحمام وانتى فلة
الشطافة الطويلة اللى بلى او زى مابيسموها باشبورى
مهمة جدا طبعا ف الخليح بيستخدموها للتواليت عادى بس انا مقدرش احك الحمام من غيرها وياسلام بعد الشاور
وتلبخار مالى الحوائط وبالباشبورى تشطفى الحوائط كلها من البخار تلاقيها بتلمع ورجعت جديدة وممكن كمان توصليها
سخن وساقع عشان الشتا
فرش الارضية مش عملى خالص على طول بيتبل ومع كل وضوء لازم امشى بالمساحة الاسفنجية عشان الحمام يلقى ناشف جدا
ادراج المطبخ العميقة تحفة خدت كل الحلل وسهلت الاستخدام ووفرت مكان
الحوض ساقط رخامة شيك اوى عن الاستانلس العادى
عليقات المجات جميلة جدا شكل وعملية
سجادة المطبخ مش عملية خالص خصوصى ان المطبخ عاوز يتمسح كل يوم تقريبا
المالتى كويك براون او اى ماركة تانية منه مهم وعملى جدا
لو قدرتى تعملى البوتاجاز مسطح بلت ان توكلى على الله
كده متهيالى خلصت المطبخ والحمام لو افتكرت حاجة تانية هقول وهكمل ف المشاركات الجاية
للاسف كان نفسي اوريكم كل الصور بس عندى مشكلة ف رفعها
my lovely kids my lovely kids سوبر فتكات Fatakat 197807 كايرو – مصر