السلام عليكم ورحمة الله وبركاته
طبعا بما إني من هواة التغيير
ودايما بحد أجدد
وجوزي طلب مني حواوشي
ولو أنه شرط عليه إني اعمله بطريقتي هههههههههه
عشان خايف من افتكاساتي في الأكل هههههههههه
لكن على مين
برضه مفيش فايدة اخترعت له طريقة جديدة
هي بصراحة مش اختراع
هي تجميع حتة من الشرق على وصفة من الغرب وطلعت النتيجة
؟؟؟؟؟؟؟؟؟؟؟؟؟؟؟
الحمد لله
رووووووووووووووووووووووعة
يلا اسيبكم بقى مع الوصفة
المقادير
كيلو لحمة مفرومة
بطاطساية
بصل كتير (ممكن نص كيلو أو أكتر)
فلفل رومي وممكن ألوان
طماطم مبشورة وطماطم متقطعة
بقدونس مقطع
زبادي
زيت
بابريكا وفلفل أسمر وبهارات وملح
معلقة كاتشب
معلقة ماستردة
لييه
الطريقة
نفرم البطاطس مع بصلاية ناعم جدا
نفرم البصل درجتين درجة ناعمة ودرجة خشنة
نفرم الفلفل في الكبة مع بصل
نقطع الطماطم والبقدونس قطع كبيرة شوية
نضع في وعاء الطماطم المبشورة والقطع والبصل والفلفل والزبادي والكاتشبوالمستردة والزيت والملح والتوابل ونقلبه كويس جدا
نضع زيت على اللحم وملح وتوابل ونقلبها كويس
نضع اللحم على الخلطة ونقلبها كويس جدا
نقطع العيش أنصاف وندهنة بالزيت من جوة ومن برة
في صاج الفرن نفرش ورق فويل وعليه ورق زبدة وندهنة بالزيت ثم نقطع قطع اللية عليه ونبدأ برص الحواوشي ثم نغطية بورق الزبدة وأخيرا بالفويل ونضعه في الفرن
ودلوقتي اسيبكم بقى مع الصور
دي صورة البصل بدرجات فرمة (خشن وناعم) والفلفل والبطاطس مع الطماطم المبشورة
هنا حطيت الزيادي والماستردة والكاتشب والتوابل
هنا بقى الطماطم المقطعة والبقدونس
ودي لما قلبت الخلطة اللي فاتت مع بعضها
نيجي بقى للحمة حطيت عليها الزيت والتوابل
تابعوني في المشاركة الجاية مواضيع هذا القسم برعاية
هبة الو هبة الو 393042_1.gif فتكات رائعة Fatakat 393042 أم الدنيا – مصر أم الدنيا