بداية :انا دكتورة معاكم في المدونة..
لفت نظري بعض النقاط التي قد لا ينتبه لها البعض:وتتسبب في تاخر الحمل:ولا يكون هناك اي اسباب مرضية!!
ولكن الجهل بها:خطير!!
فقد لا يحدث حمل مطلقا:برغم ان الزوجين لا يوجد لديهما موانع!!
ولكنه الجهل,والاساليب الخاطئة..
ندخل في الموضوع بقى
1.وضعية الجماع:هناك بعض الوضعيات:لا تصلح لحدوث حمل:مثل وضعية الفارسة. وعلى الجانب الاخر:فالوضع الانسب لحدوث الحمل:هو والزوجة مستلقية على ظهرها..
ملاحظة:قد يكون الرحم لديك في غير الوضع الطبيعي:فان كان كذلك:فالوضع الانسب:هو وضع السجود
2.وضع وسادة تحت مؤخرتك:بحيث نمنع الى حد ما خروج السائل المنوي من المهبل عند الخروج
3.يفضل ان يبقى الاتصال 5 دقائق مثلا بعد حدوث القذف:لنفس السبب المذكور اعلاه
4.احسبي جيدا ميعاد التبويض:والاسبوع الانسب لحدوث الحمل:وفي موضوع شارحها بالتفصيل:الي عاوزاه تقولي
5.امتنعي عن استخدام اي مستحضرات:قبل العلاقة زي الجل او العطور او البودرة.او الغسولات او بعد العلاقة:لانها قد تقتل الحيوانات المنوية
6.اذا كنتي تعاني من السمنة:لازم تظبطي مع دكتور:لان ممكن يكون عندك كده تكيسات في المبيض!!!تعوق الحمل طبعا
يبقى دايت+جلوكوفاج (حبوب علاج السكر)دي بتظبط الموضوع
7.حاولي ترخي اعصابك انتي وجوزك,ومتوتروش نفسكم عشان الحمل:الحالة النفسية السيئة :تلخبط مواعيد التبويض ,وتقلل خصوبة الرجل
8.يجب ان يمتنع زوجك:عن اخذ الشاور الساخن:الحيوانات المنوية بتحتاج درجة حرارة منخفضة:الحرارة العالية بتقتلها. ويفضل انتي كمان بلاش الشاور السخن اوي بعد العلاقة
9.يجب ان يمتنع الزوج عن لبس البنطلونات الضيقة والجينزات:لانها بتضغط على الخصية
10.اياكي تقومي مباشرة بعد الجماع!!وانما تظلي مستلقية (على ظهرك)ساعة او 2مثلا
11.لو كان في اي ادوية زوجك بيتعاطاها ,او انتي بردو:ينبغي استشارة الطبيييييييب!!ممكن تكون بتاثر عالخصوبة.
12.من الافضل تمشي على حبوب فوليك اسيد:هي رخيصة جدا:ونقصها بيسبب تشوهات الاجنة والاجهاض:ودي حصلت معايا
13.احيانا بيكون سبب تاخر الحمل :هو كثرة الجماع نفسه:لانه لايسمح للحيوانات المنوية بالنضوج
14.واحيانا بيتاخر الحمل:لاسباب غير معروفة:فقد يكون جسمك مكون اجسام مضادة ضد حيوانات زوجك المنوية.
طب الحل ايه؟؟
ان لمدة 3شهور متتالية:يكون الجماع باستخدام واقي ذكري:حتى يتخلص جسمك من هذه الاجسام المضادة:وبعدها يحدث الحمل بعدها باذن الله
15.قد يكون سبب تاخر الحمل:السهل الممتنع(الالتهابات):عند الرجل :في البروستاتا.
ودي اعراضها كثرة التردد على التواليت.حرقان.تقطيع……….وحاجات كتير ممكن ابقى اوضحهالكم لو حبيتم
وبردو الالتهابات عندك:ودي اعراضها:حكة,حرقان,افرازات شديدة شبه الجبنة,رائحة كريهة…..الخ
والحاجات دي بردو بتقتل الحيوانات المنوية:ةلازم تعالجي منها الاول
16.يعلم الله اني كتبت الي اعرفه:يمكن اقدر اساعد واحدة فيكم:تكون متعرفش,بس حقيقي:مش مسامحة الي تدخل فيكم:ومتقولش ولو كلمة واحدة..
فبالله عليكم انا مبخلتش بالي اعرفه:فمتبخلوش علي بدعوة:ان ربنا يكرمني بحمل انا كمان عن قريب.
وفضلا وليس امرا:لو الموضوع عجبك:قيميه عشان يتثبت:وغيرك يستفيد..وشكرا
طبع انا باقول كده:لاني اتعودت معاكم في فتكات:ان كتير منكم بيقرا:وميعبرش ولو برد صغير!!
ومفيش تواصل اوي بين الاعضاء:فساعات باحس بغربة:مع اني بحب المدونة
Cute Emy Cute Emy images/avatars/orangeflower.gif سوبر فتكات Fatakat 139488 بيتنا – مصر