السلام عليكم ورحمه الله وبركاته
انا حامل الحمد الله بعد سنتين جواز وبعد ما تابعت مع دكتور واخدت حقن تنشيط ميريونال وكلوميد وبعد كده متابعه تبويض وبعدها الحقنه التفجيريه كل ده كان في مصر والحمد الله انا حامل دلوقتي في شهرين بس انا سافرت للكويت بعد الحمل علي طول علي اساس اني طول فتره الحمل هكون هنا في الكويت وانزل مصر علي الولاده واتفقت مع الدكتور بتاعي في مصر واداني رقم تليفون دكتور زميله في الكويت وقالي تابعي معاه فروحت امبارح علشان ابدا المتابعه في مستشفي الولاده ولقيت المفاجاه الدكتور بيعملي سونار وساكت خالص بقوله ها يادكتور في حاجه ولا انا مش حامل ولا ايه قالي هقولك بس اصبري وهو عمال يدور في السونار لقيته بيقولي انتي اخدتي منشطات ايه وكلوميد مجابش معاكي نتيجه لواحده قولتله لاه انا اصلا البريود مكانتش بتجيلي طول عمري غير لما باخد دوا اسمه سايكلو بروجونوفا من وانا عندي 16 سنه قالي سبحان الله واول ما اتجوزت اخدت كلوميد ده ومحصلش حمل وبعد سنتين روحت للدكتور بتاعي اللي انا تابعت معاه ده اداني كلوميد ومعاه ميريونال لقيته بيقولي انا شايف 3 او 4 اكياس قولتله يعني ايه قالي يعني حامل في 3 او 4 ولقيت وشه جاب الوان وانا اتخضيت قالي قومي هنعملك سونار ثلاثي الابعاد معرفش ثلاثي ولا رباعي المهم قالي بس مش انا اللي هعمله اتصل بالدكتوره بتاعه السونار واستاذنها هو تقريبا ممنوع يتعمل لاي حد معرفش ليه المهم قالتله ماشي خليها تيجي بعد ما خليت جوزي راح دفع فلوس علشان ادخل اعمل السونار ده وبعدين لقيتهم قعذوني علي كرسي بعجل وواحده بتزقني قولت ياخبر ابيض يبقا انا كده فيا حاجه ومبقتش عارفه اعمل ايه وانا لوحدي جوا وجوزي طبعا بره مينفعش يدخل معايا المهم زقوني بالكرسي ده فانا سالت الممرضه اللي كانت معايا قولتله انتو قعدتوني علي كرسي ليه قالتلي لان المشوار بعيد مينفعش تمشيه ودخلت دكتوره السونار بتقولي انتي اخدتي المنشطات دي فين مين ادهالك قولتلها دكتور في مصر هي مصريه برضه قالت اه قولتلها في حاجه ولا ايه يا دكتور قالتلي في 4 اكياس وورتهوملي وقالتلي بس انتي عارفه ان صعب يكمل الحمل بالطريقه دي قولتلها يعني ايه قالتلي يعني 4 صعب يكمله مع بعض شوفي الدكتور بتاعك هيقولك ايه هينزل واحد منهم ولا اتنين ويسيب الباقي ولا ايه والحمد الله 4 فيهم نبض ماشاء الله المهم طلعت كلمت الدكتور قالي عادي بس ممكن نحتاج لعمليه ربط في الشهر 3 ممكن نحتاج وممكن لاه فانا قولتله الدكتوره قالتلي علي موضوع ننزل واحد او اتنين ونسيب الباقي قالي مفيش حاجه اسمها كده
فانا مش عارفه اعمل ايه دلوقتي انزل مصر مع ماما وبابا واخواتي يكونوا معايا ولا اخليني هنا مع جوزي مع العلم اني لو نزلت يبقي طبعا اقامتي هتسقط وجوزي هيبيع الشقه علشان يوفر تمنها وهيروح يقعد مع اصحابه يعني معرفش اذا كان هيرجع يدور علي شقه تاني ويفرشها بعد مانا اولد ان شاء الله ولا هيكسل ويقولي خليكي في مصر وخلاص وبرضه لو منزلتش مصر وخلتني هنا هبقي خايفه جدا وانا لوحدي مفيش معايا حد وفي غربه وخايفه لما تعب الحمل يزيد وحكايه الربط دي هعملها ازاي وانا لوحدي كده وماما مش هينفع تسيب اخواتي وتجيلي حتي لو جت هيبقي شهر واحد زياره وترجع ولو منزلتش دلوقتي يبقي مش هينفع انزل بعد عمليه الربط دي لان الدكتور قالي لازم تكوني في راحه تامه وتنامي علي ضهرك هو طبعا الدكتور اللي هنا قالي خليكي هنا في امكانيات كويسه وهتابعي معايا وماشاء الله صراحه المستشفي اللي انا كنت فيها دي امكانياتها فظيعه ونضيفه جدا بس المشكله اني هكون لواحدي طبعا معايا ربنا احسن من الكل بس مش عارفه اعمل ايه انتو ايه رايكوا وياريت لو حد جرب حكايه الحمل في 4 دي الموضوع كمل علي خير ولا ايه انا قلقانه جدا من كلام الدكتوره يعني ايه مش هيكملوا ويارب يا بنات ترز كل واحده باللي تتمناه بس ارجوكم ادعولي ربنا يكملي حملي علي خير ويرزقني باطفال سلام معافين من سوء ويحفظهم من كل سوء ويكونوا تامين الخلقه والخلق بلا زياده ولا نقصان ويجعلهم ذريه صالحه ويجعلهم قره عين لي ويبارك في رزقهم
ايها الحب لا تهجرني ايها الحب لا تهجرني 278347_1.gif سوبر فتكات Fatakat 278347 القاهره – مصر
سبحان الله و بحمده