السلام عليكم ورحمه الله وبركاته
ازيكم يا احلى اخوات فى الدنيا وحشتونى كتيييييير … اخباركم ايه ؟
الحمدلله انا ولدت قيصرى الاحد اللى فات .. كنت كتبتلكم موضوع قبل كده انى خايفه اوى
وفعلا يا بنات عملت عمايلى لدرجه الدكاتره فى العمليات قعدوا يضحكوا عليا وايه مالك كل شويه اى اى
احنا لولا بس دمك خفيف كنا سبناكى .. طبعا دكتور التخدير مش مبطل كلام معايا ويغلس عليا وانا بحاول اخرج
من اللى انا فيه واغلس عليه .. الدكتور بتاعى بقى يقولى كفايه اى اى من الصبح قلتله يعنى كل الستات مش بيعملوا كده هو انا بس قالى هم اه بيعملوا بس مش اوفر كده لو كلهم زيك كده كنت بطلت وقفلت العياده من زمان ..
يعنى حصل مواقف كتير … بس بجد كنت تعبانه اوى .. الواحد مش عارف القيصرى اسهل ولا الطبيعى
قعدوا يضحكوا عليا بعد كده ويقولولى مش انتى كنتى عاوزه قيصرى اشربى بقى .. يلا الحمدلله
المهم شرفت البنت حنين دى وطلعت حلوة الحمدلله عقبالكم جميعا لما ربنا يكرمكم يارب بولاده سهله
ويرزق كل مشتاقه للحمل يارب .. انا دعيتلكم كلكم بظهر الغيب وربنا يتقبل يارب
chemist23 chemist23 images/avatars/orangeflower.gif فتكات متميزة Fatakat 234221 أجمل حياه الحمدلله – قلب جوزى حبيبى
سبحان الله و بحمده