السلام عليكم ورحمة الله وبركاتة
وحشتوني يا فتوكات جدا جدا جدا
النهاردة أنا في قسم صحة العائلة . انتو دايما متعودين عليا أكون في أقسام الطبخ والحلويات بس قلنا التغير حلو برضو
قبل ما نخش في الموضوع اتفضلو أحلى كوباية نسكافية من أيدي.
النهاردة موضوعي عن مشكلة بيعاني منها كتير اوي ستات وأطفال وللأسف ممكن يوصول لسن كبير زي صاحتبي الي هيا بطلة الموضوع وبرضو لسه بيعانو ومش لاقين علاج او حل جذري للمشكلة . طبعا الموضوع اتأخر اوي اوي وكان لازم ينزل من زمان جدا في المنتديات بس ربنا لما بيريد بقى.
موضوعي النهارة عن
التبول الاإرادي
بطلة المشكلة هي صاحبتي وروحي وقلبي للأسف بتاعني من الموضوع ده من لما كانت صغيرة. كبرت ولقت نفسها كدة وأهلها حاولو كتير جداً يلاقو علاج مافيش حاجة جايبة نتيجة . ممكن العلاج يستمر كويس معاها اسبوع اسبوعين وخلاص وأول ما تقطعه ترجع مشكلة التبول الاإرادي تاني وياما سمعنا عن دكاترة كتير وكنا بنسافر انا وهي يا حبيبتي ونجتهد بس مافيش العلاج يا برشام يا اما يقولولها اصحي كل نص ساعة او ساعة خشي الحمام.
لكن المشكلة انها من كتر خوفها بالذات لما بيكونو مسافرين ونازلين في فنادق او عند صحابهم مش بتنام خالص خوفاً اني التبول يحصل غصب عنها وهي نايمة وحتتحرج جداً طبعاً. وقضت كل سفريات حياتها سهر بالليل غصب عنها ونوم في العربية او في اي مكان يرحو . ووصل عمرها ل27 وبرضو نفس المعاناة .
لحد ما اتخطبت وكانت حتتجنن وعايزة تلاقي حل للموضوع ده . وياما كنا بنسهر انا وهي على التلفون وتفضل تعيط بحرقة يا حبيبتي ومش بإيدي أعملها حاجة . والمشكلة انها داخلة على جواز والموضوع حيتكشف كدة. فقولتها تعالي نروح عند دكتورة نسا وولادة مشهوة هنا عندنا إني الاجهزة بتاعتها الي هي الالتراساوند والحجات دي متطورة وحديثة وتظهر النتايج دقيقة جدا بالالوان. طبعا رفضت من كتر ما رحنا عند دكاترة أشكال وألوان بس بامر الله اقتنعت وفعلا رحنا. متخيلين اني الدكتورة ما ادتناش علاج خالص لا برشام ولا غيرة. اختكم ما بتعرفش تسكت قلتلها طلب يا دكتورة يارت تكشفي عليها كشف دقيق كدة وتشوفي اية العله واية السبب بالظبط . وبحمد لله طلعت دكتورة شاطرة وقالت اني التبول الاإرادي ده بيبقى بسبب حاجتين انتين فقط لا غير هم هما:-
1- حجم المثانة صغيرة ونموها بيقف عند حجم معين . وفعلا لما كشفت لقت اني حجم مثانة صاحبتي بحجم مثانة طفلة لا تتعدي ال5سنين.
2- المثانة عند إمتلائها بالبول مش بتدي اشارة للدماغ اننا محتاجين نروح الحمام فبيحصل التبول الاإرادي.
جزاها الله كل خير وسعادة وتوفيق قالت لصاحبتي اني العلاج عبارة عن تكنيك معين حتلتزم بيه فترة بسيطة لحل موضوع المثانة الي مش بتتحمل كمية بول كتير والحمد والمنه والفضل لله جاب معاها نتيجة خلال أقل من شهر . وفكرتة بسيط وهي :-
1-
تخلي المثانة تستوعب اكبر كمية ممكن من البول . وده بيخلي التنبيه انك عايزة تروحي الحمام يرجع يشتغل حتى وانتي نايمة.
والتكنيك بسيط جداً بس محتاج تركزي شوي وهو كالتالي :-
فترة النهار
حتشربي ماية وسوائل براحتك خالص زي ما تحبي لكن حتحاولي كل ما يكون عندك رغبة تعملي حمام ماية تمسكي نفسك على قد ما تقدري. يعني ما تروحيش على طول , طنشي الرغبة دي لحد ما تبقي خلاص مزنوقة جدا جدا وعلى أخرك . وصاحبتي والناس الي جربوها وصلت معاهم انهم يطنشو دخول الحمام لمدة 3 و 4 ساعات وهما مرتاحين هي مسألة تعود وتمرين فقط لا غير.
فترة قبل النوم ب3 ساعات
ما تشربيش ماية خالص خالص . وما تروحيش الحمام نهائي غير مرة واحدة قبل ما تنامي على طول.
الطريقة دي اديتها لكل حد انا بعرفة سواء أطفال بعمر 6 سنين وكمان كبار . وكلهم النتئجة معاهم كانت مبهرة بأمر الله . وخدو بالكتير اوي اوي شهرين لحد ما بقو ينامو براحتهم حتى وهما شاربين ماية كتير ورجع تنبيه المثانة يشتغل تاني وعايشين حياتهم عادي جدا وطبيعي .
تقرير بسيط عملته من خلال تواصلي مع الناس الي استخدمة الطريقة دي
معدل عدد مرات التبول الاإرادي الي بتحصل خلال مرحلة العلاج :-
طبعاً قبل البدء في العلاج كان التبول الاإرادي كل يوم
أول 3 أسابيع من العلاج
5 أيام تبول لاإرادي 2 يوم تمام
الأسبوع الرابع من العلاج
3أيام تبول لاإرادي 4 يوم تمام
بداية الشهر التاني
2 يوم تبول لاإرادي 5 يوم تمام
نهاية الشهر التاني بأمر الله
7أيام في الاسبوع تمام ومافيش تبول لاإرادي بأمر الله تعالى.
حاجات لازم تعرفيها عن التكنيك ده
1- صحبتي دي دلوقتي عندها 33 سنة وأم لأحلى ولدين في الدنيا يعني عدى على الموضوع ده أكتر من 7 سنين.
2- نشرنا التكنيك ده لناس كتيرة جدا جدا ومافيش حد حصلت عنده اعراض جانيبة خالص خالص لانك انتي الي بتتحكمي امتى تبقى خلاص عايزة الحمام ومزنوقة خالص.
3- كل الي جرب التكنيك ده استمر عليها لفترة طويلة خوفا اني التبول الأإرادي يحصل تاني لكن النتيجة التمام محتاجة شهرين مش أكتر ولا أقل .
4- لكن كلهم اعتمدو الطريقة دي وخدوها اسلوب حياة لانها مش مضرة ولا فيها حاجة . لكن حتى لما سابوها التبول الاإرادي ما رجعش تاني .
أي استفسار تحت أمرك
الموضوع ملك لكل حد بيعاني من الموضوع ده وممكن ما تذكريش المصدر لو حبيتي تنقليه.
شيف لطيفة مسعود شيف لطيفة مسعود 330245_1.gif فتكات رائعة Fatakat 330245 دبي – الامارات