سلام عليكم ورحمة الله
انا من كام يوم قريت موضوع لاخت محتارة بتتحرج من ريحة القدم
ولاقيت بنات بتنصح بالشراب القطن وغسيل القدم والبودرة
انا رديت عليها بس حبيت اكتب تجربتى الشخصية
ان شاء الله تعم الفائدة
بنات كل اللى مذكور فى الموضوع نتيجة تجاربى الشخصية وزيارتى لطيبب جلدية مصرى شاطر ربنا يكرمه يارب
احب بس انبه على ان الفطريات هى طبيعة جسم عنده استعداد للاصابة بها .. مش قلة نظافة وده كلام الطبيب
اولا ريحة القدم القوية دى بتكون فطريات وه كلام طبيب جلدية
وهو اللى كتبلى البخاخ ده
واى غسيل بصابون عادى مش حيقاوم الفطريات
لازم مضاد فطريات ده تغسلى رجلك وتنشفيها وترشى منه بين صوابعك وعلى رجلك والبسى كوتشى وشراب طووووووول اليوم براحتك
انا الحمد لله ربنا ابتلانى بالفطريات رغم انى بفضل الله نظيفة وربنا شاهد عليا
يعنى لو قدمك مهما تغسلى وتهوى ريحتها مش حلوة يبقى لازم علاج فطريات
كمان الشعر وارضية الراس لو بتعمل ريحة وحشة حتى وانتى خارجة من الدش
لازم شامبوا فطريات
انا بجيب برضو زاكان اللى فى الصورة ((الصورة من النت ))
لان شعرى بيعمل قشرة مش بتروح بشامبوهات القشرة او الكريمات بتاعة القشرة التجارية وبيكون لها ريحة مش حلوة
دى برضو فطريات فى فروة الرأس
والقشر اللى بيكون بسبب فطريات بيكون قشر سميك وله ريحة مش حلوة ولونة ابيض مصفر شويه
احسن استخدام للشامبو هو انك تغسلى بيه فروة الرأس مباشرة وتسيبية خمس دقايق قبل الشطف
الشامبو بيجى معاه بلسم هدية
سعر الشامبو تقريبا 21 جنية صحيح زجاجة صغيرة بس من اول استخدام حتضيع القشرة والريحة بتف تماما بعد مرتين او تلاتة بتتحل المشكلة
وغالبا الناس دى بيجلها التينا الملونة وهى بقع بنيه فاتحة على الرقبة او الظهر او الجلد ودى دكاترة الجلدية بيكتبولها برضو كريم مضاد للفطريات
المهم انى مغتربة وكل اجازة لازم اخد كمية تكفينى السنة من البخاخ ده للقدم لان رجلى كانت ممكن تعمل ريحة فى شبشب البيت اعزكم الله
معلش طولت عليكم بس حبيت انصحكم بتجربتى الطويلة مع الفطريات
عشان بحبكم فى الله
♥ مهندسة و مفلسة ♥ ♥ مهندسة و مفلسة ♥ 312798_6.gif فتكات رائعة Fatakat 312798 القاهرة – مصر