السلام عليكم ورحمة الله وبركاته
حلمت بجدتي المتوفية
كانت عندنا في البيت وكمان والدي ووالدتي وأخواتي الأثنين ومرات أخويا وبنته
اخواتي الأثنين كانوا في الصالون بيلعبوا بلاي ستيشن ومرات اخويا ادتني بنتها وطلبت مني أحميها وأغير لها
وأنا دخلت بالبنت الحمام ولاقيتها عاملة حمام على نفسها وهدومها كلها مش نضيفة فحطيت الهدوم وغسلتها في الغسالة وحميتها بس زي مااكون نسيتها وانا بحميها بس لحقيتها وكنت خايفة تاخد برد بس هي كانت كويسة
وبعد كده ماما دخلت اوضة جدتي (فيها سريرين) وكانت جدتي المتوفية نائمة على السرير ولابسه جلبية بيضاء قصيرة شوية
ونامت مع جدتي على السرير بس في اتجاه عكسي (يعني رجل جدتي عند رجل ماما)
كأنها مش عاوزة تنام في اوضتها (ماما يعني) عشان بابا نام فيها
وبعد كده كانت هاتدخل مرات اخويا وبنتها وتنام في أوضة جدتي بس على السرير الثاني
– الحالة الدينية لك ولمن معك فى الرؤية
كلنا متدينيين الحمد لله ماعدا اخويا المتزوج بيصلي الفروض فقط وزوجته مش بتصلي بانتظام
– اسماء من فى الحلم وعلاقتك بيهم
اخواتي الصبيان وماما وبابا وجدتي المتوفية
ومرات اخويا وأبنتها
– حالتك الاجتماعية
أنسة
– هل أنتى موظفه ؟
حالياً لأ
– هل أنتى حامل ، أو تنتظرين حمل ؟
لأ
– هل تعانى من اى هموم او ارق قبل النوم
لأ…مجرد قلق من اللي بيجرى في البلد
– هل ترقين رقية شرعية ام لا
لأ….بس بقرأ ادعية ماقبل النوم وكمان بصلي قيام الليل قبل النوم
– حلم عادى ام استخارة
حلم عادي ويارب يكون تخاريف
مع العلم أن بابا متزوج واحدة تانية وعلاقته بماما متوترة او شبه منتهية
وهو بيشتغل بره مصر يعني مسافر
بس في الحلم كان عندنا في البيت
والحلم كان بعد صلاة الفجر وللأسف النهاردة فاتتني صلاة الفجر ربنا يسامحني ويغفر لي
ff12 ff12 138657_6.gif فتكات ست الكل Fatakat 138657 القاهرة – مصر
