عااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اا اهئ اهئ
عاااااااااااااااااااااااااااااااااااااا اهئ اهئ اهئ
عااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا
في تلك اللحظة المأساوية لحظة منتصف الليل التي تمر على الفتوكة وهي أعدة لوحدها
أهلها نايمين
جوزها نايم
ولادها نايمين
البيت كله هوس هوس zzzzzzzzzzzzzzzzzzz
وانتي مش مسدأة نفسك إنك اعدة لوحدك ادام التلفزيون، وماسكة الريموت لوحدك
وحاطة رجلك عالتربيزة الي ادامك ومتكيفة عالآخر
والدنيا هدوووووووووووووووووووووووء
ومفيش غيرك انتي ونفسك الأمارة بالسوء، انا مش هظلم الشيطان لأنه ميعملش الي انا عملته دة ابداً.. الشيطان مش طفس كدة
فجأة لئيت نفسي الأمارة بالسوء عمالة توشوني فوداني وتقولي
طب والريجييييييييم ؟؟
طب الساعة 12 بالليل وانا عندي شغل بكرة
والاقيلكم صورة فظيييييييييعة مرفقة بالكلمتين دول نزلت علا عيوني وأفلتهم
ريلت وريقي جررري ومعدتي قرصتني وروحت مشمرة وداخلة عالمطبخ
انا مصورتش المقادير وجبت الصور من عالنت، بس حطالكم صورة القنبلة الي عملتها في الآخر، ولو عجبتكم قيمو
الي مش هتقيم رغم ان الموضوع عجبها مش مسامحاها يوم الحساب
انا بأة مش مرتبطة بعجينة معينة ولا مقادير
بس اهم حاجة تعمليها لما تيجي تعملي اي معجنات
إنك متحطيش الخميرة عالدقيق وتعجني غير لما الخميرة تخمر
إنك تحطي للعجينة لبن بودر عشان مش تنشف منك وتبأة طرية وحلوة
انك تفضلي تعجني بدون كلل ولا ملل لحد ما العجينة تمط منك زي القطنة بدون ما تلزق بإيدك
جبت
كوباية ونص دقيق
حطتهم في مصفى سلك كبيرة وروحت نخلاهم في طبق العجن الي هعجن فيه
انا عارفة ان الخطوة دي بتتعمل في الكيك عشان يدخل هوا اثناء عملية نخل الدقيق بس انا بحب اعملها بردو مع المعجنات عشان العجينة تنفش كدة وتبأة حلوة
معلقة صغيرة بيكينج بودر
معلقتين كبار لبن بودر
رشة ملح + رشة فلفل اسود + معلقة صغيرة زعتر ناشف
كوب إلا ربع ماء دافئ عليه معلقة سكر كبيرة ومعلقة خميرة صغيرة
تقلبيهم كويس وتغطيهم 5 دقايق
خدي بالك لو معمتليش الخطوة دي المعجنات هتبوظ منك
اول ما تلائي المية زادت وفارت كدة تبئي جاهزة
حطي المية على الدقيق واعجني بأة
ولا انتي مش فالحة غير في اللت والعجن عالمنتديات
وانتي بتعجني هتلائي العجينة بتلزق فإيدك كدة
رشي شوية دقيق وحطي
ربع كوب زيت زيتون أو اي زيت نباتي
ولمي العجينة بإيدك هتلائيها اتلمت وبطلت تلزق
اعجني دقيقة كمان وكدة خلاص
خلاص كدة فهمنا، الزيت ميتحطش غير في الآآآآآآآآآخر وهيساعدك ان العجينة متلصقش فإيدك
تغطي بأة العجينة بقماش نضيفة وعلا الفرن عدل.. علا الفرن من غير ما يكون شغال عشان العجينة تدفى وتخمر بسرعة انا بحطها في الفرن واقفل عليها
وبعد نص ساعة
طبعا خلال النص ساعة دي تكوني انتي جهزتي إضافات البيتزا
انا حطيت بالترتيب
1- كاتشب
2- بصل مقطع طرنشات (مكون مهم جداً ومعظمكم يتجاهله ولا يضيفه على البيتزا)
3- طماطم طرنشات رفيعة (معظمكم ايضا يتجاهل هذا المكون !! )
4- زيتون اسود مقطع
5- مشروم مقطع
6- فلفل رومي مقطع
7- جبنة الطيب
8- جبن موزاريلا مبشور
ونحضر صينية مدورة مدهونة زيت ودقيق
وافردي بأة العجينة.. خلي بالك مش تخليها تخينة عشان هي كدة كدة هتنفش منك
بعد كدة حطي مكونات البيتزا عليها.. الأول طبعا ادهني الكاتشب وحطي كاتشب كتير
يعني انا عملت صينية صغيرة حطيت معاها 3 معالق كاتشب كبار
وبعدين قطعي حوالي معلقتين من جبنة الطيب ووزعيها عالبيتزا
وحطي الطماطم وبعدين بقية المكونات ماعدا
الموزاريلا.. اوعي تحطي الموزاريلا دلوقت لو عيزاها تشد منك وتبأة زي بيتزا هت بالظبط حطيها فآخر 5 دقايق لما البيتزا تتعمل
حطي الصينية في الفرن علا نار متوسطة تلت ساعة تقريبا وبعدين افتحي عليها حطي موزاريلا انا حطيت تقريبا كوب واحد عالصينية الصغيرة ورشيت فوقيها حبة زعتر وعالفرن 5 دقايق بالظبط وطفيت
وعلا ما اتعملت صبيت البيبسي في الكوباية وحضرت الصينية والطبق والسكينة
والنتيييييييييييييييييييييييييييييييييجة بأة
شوفو الجبنة بتشد ازاي، مش تنسي تاكليها وهي سخنة
شوفو الزعتر عالجبنة عامل ازاي
آدي القنبلة
وآدي الي عملته فنفسي
.
.
.
.
.
بس جوزي وولادي صعبو علية سبتلهم الحتة دي
بنات والله والله والله دي اول مرة بعمل بيتزا بيطلع طعمها بالظبط زي بيتزا هت
انتو عارفين الواحدة لما بتبأة اعدة لوحدها في البيت بتفتكس وبتعمل حاجات كويسة
ابقو جربوها ومش تنسو التقييم بأة لو عجبكم الموضوع ولو عجبتكم البيتزا
التقيييييييييييييم مواضيع هذا القسم برعاية
رورة83 رورة83 221729_3.gif فتكات هايلة Fatakat 221729 الكويت – الكويت