اعزائى الفا توكات بعد ما شجعتونى با قبالكم على عزائمى كان حافز لى انى انزل هذا الموضوع
وبالمناسبة قلت اغير بدل اللحمة والبط ندخل شوية على السمك بس السمك المرة دى غير اى سمك
سمك مشوى بطريقتى والتحدى
اوعى السمك يهرب يا فاتوكة انتى وهى اصطادى شويه
هههههههههههههههههههههههههه
سمك مشوى بالنخالة او (الردة)
المقادير/
1- سمك
2- نخالة (ردة )
2-ماء للتمليح عبارة عن
1- ماء
2-3فصوص ثوم مدقوق
3- عصير ليمونة
4-خل -قرن فلفل اخضر
5-ملح -فلفل -كمون – كارى
نقوم بضرب المكونات ماءالتمليح فى الخلاط
و سبكم بقة مع الصور وعايزة احلى تعليق من احلى فاتوكات
الطريقة/
1-نضيف النخالة الى السمك ونقلبه جيدا كما هو موضح بالشكل
على فكرة فى الافران بيشوو السمك بالنشارة الناعمة بتاع الخشب
وطبعا اكلها غير صحى
2- نقوم بوضع السمك فى فرن الغاز متدحكوش هههههههههههههههههه
لو معندكوش ممكن تشويه على الصاجة على البوتاجاز وتقلبيه مع تهدئة النار
او نضعه فى فرن البوتا جاز على الصاجة مع تقليبه من حين لاخر
3-نقوم بتقلبةالسمك فى الفرن حتى ينضج
ويصبح لونه كا لمعتاد ولختبار نضج السمك نقوم بوضع عود من الكبريت فى عين السمكة وندخله لاخره
لوخرج نظيف دون وجود آثار للدم يكون نضج ولو كان لسه نهدئ النار عليه
4- وبعد خروج السمك من الفرن مباشرة نقوم بوضعه فى الماء
المالح
ثم نخرجه ونضعه فى طبق التقديم
ونفس الطريقة الشى مع البورى و السردين والبلطى والدنيس
ويقدم مع السلطة الخضراء والطحينة وبابا غنوج وعيش طرى او ارز امر او ابيض
وبالهنا والشفا
ملحوظة يمكن شراء النخالة او (الردة )من عند بائعى الدقيق
او المخابز
مواضيع هذا القسم برعاية
جرير جرير images/avatars/peppers.jpg برنسيسة فتكات Fatakat 202437 رأس الخليج -شربين – مدونة فتكات