كنت عند الدكتور بتاع الاطفال اللى انا متابعة عنده امبارح عشان كان ابنى عنده نزلة برد وبالمرةيكشف على بطنه عشان فقدان الشهية رجعله تانى وفعلا قالى الدكتور اللى انا خايفة منه ابنى قولونه رجع تعب تانى وعلى وصف الدكتور بقى عامل زى الحبل تحت ايده وهو بيكشف عليه ….وعلى فكرة ابنى عنده 5سنين بس ولما جتله الحالة دى قبل كدة كان عنده 3سنوات وفقدالشهية يكون برفضه لكل انواع الاكل طول النهار حتى اللى كان بيحبه ودة بيجننى ومبكونش عارفة اعمل ايه وبحاول اغريه بعمل الاكل بطرق متنوعة ولكن دون جدوى ولما رحت للدكتور اول مرة طلب تحليل بول وبراز ووجد عنده حاجة اسمها( دجارديا )ودة اسمها تقريباووجد كميتها بكثرة (+++)وسألنى ان كان مصدر مياه الشرب نضيف ولا لأوقلت الحمد لله نضيف وسأل ان كنا بناكله حاجات فيها مواد حافظة والوان صناعية فقلتله مش كتير بالدرجة اللى توصله لكدة وسالنى ان كان بياكل لحوم مصنعة كتير وكان يقصداللحوم اللى بنشتريها من المحلات جاهزة زى اللنشون والبرجر والبسطرمة اواللحوم نصف الجاهزة اللى بتبقى واقفة على التحمير اوالتسوية فى البيت بس قلت ااااااااااااااااااااهفقال هودة البسبب وكتب له على فاتح شهية عادى
وفبتامين عادى بردة وكتب قايمة من الممنوعات واولها اللحوم المصنعة والحاجات اللى فيها مواد حافظة ومكسبات طعم ولون ورائحة مدى الحياااااااااااااااااااة لان معدة ابنى كما قال حساسة ولما سالته انى بشوف ناس طووووووول النهار عايشين هم واطفالهم على الحاجات دى واللهم لا حسد عايشين حياتهم الطبيعية اشمعنى ابنى قالى الناس بيختلفوا ومش كل معدة زى التانية فى معدة حساسة ومعدةلأوثانيا انى اركب فلتر مية احتياطى وممنوع الاكل المسبك اوالمتبل بالبهارات اوالفلفل الاسود اوالشطة او الكمون اوالاكل المفلفل اوالنص سوى واللب والمكسرات والفشار الاسودمن المياه الغازية والشاى السادة والنسكافيه والقهوةوان العيش اللى ياكله يكون عيش اسمر والكارثة ان بنتى اللى عندها سنة ونص بدات تظهر عليهااعراض مشابهة من فقد الشهية وعدم هضم الطعام فى معدتها كانى بحط الاكل فى ماسورة بيخرج كما هو غير مهضوم تقريبا……….. ماذا افعل ا لحقوونى البيت هيعيش فى معسكر دايم بيتهيألى انتوا حاسين بية يا اخواتى اعمل ايه واتصرف ازاى لوعلى اللحوم اياها والاكل اللى فيه مواد حافظة تهون بس دة نظام قاسى اوى علينا طبعا انا مش شاكة فى كلام الدكتور وواثقة فيه بس ……….مش قادرة اكمل اتخنقت …….الحمد لله
باور باور 465631_1.gif فتكات نشيطة Fatakat 465631 القاهرة – مصر
سبحان الله و بحمده