بسم الله الرحمن الرحيم
طريقتى فى عمل الجمبرى المشوى
1- تغسلى الجمبرى وتفتحيه من الظهر بسكينه وتنظفيه من كيس الرمل
2- تجهزى خليط التتبيل
مسترده – ملح – فلفل اسود – رشه كمون – رشة كزبره ناشفة – رشه شطة – هوت صوص – عصير لمون- 2 فص توم مطحون ناعم جدااا – شبت حوالى معلقة كبيرة تقلبى الخليط كله مع بعض
3- قلبى الجمبرى فى الخليط وغطيه وحطيه فى التلاجة مش اقل من نص ساعة
4- على الجريل او فى طاسه تيفال تكون سخنه وفيها شويه زيت صغيريين
تنزلى بالجمبرى بس تحطيه من الناحيه المفتوحه اللى فيها اللحم بحيث اللحم يكون ملامس للجريل او الطاسه اول ما يبدأ يلون تقلبيه على الناحيه التانيه والطريقة دى مش حتخليه يقفل معاكى حيكون مفتوح وشكله احلى
5- الجمبرى مش بيقعد كتير على النار علشان مايشدش اول ما يلون تقلبيه وتطلعيه على طول فى طبق التقديم
والف هنا وشفا
معلش الكاميرا كان الشحن بتاعها خلص والتصوير مش حلو غير الاستعجال علشان الاكل
مواضيع هذا القسم برعاية
shaymaa seif shaymaa seif فتكات رائعة Fatakat 83346 ALEXANDRIA – EGYPT