بسم الله الرحمن الرحيم بعد النجاح المشرف الي حققه الجزء الأول من الموضوع وبفضل الله إتثبت ووصل عدد المشاهدات ل16000 بفضل جروب جميل أوي يارب نفضل مع بعض علي طول دا الجزئ التاني منه لسه معلق معاي من فترة كدا موقف كان حصلي وإتقالي فيه كلام لسه فاكراه لغاية دلوقتي حابه أبدأ بيه موضوعي الجديد دا (((بصي يابنتي إحنا بناكل علشان نعيش مش بنعيش علشان ناكل هي سنة هتعملي فيها رجيم إعتبريها سنة تحدي مع الزمن وأوعي تخافي من الميزان إعتبريه شبح بيجري وراكي طول الأسبوع وأخر الأسبوع إنتي إلي هتغلبيه بس خلي بالك الشبح دا لو هو إلي غلبك كتير عمرك ماهتعرفي تلحقيه تاني أبدا الإرادة والعزيمة هي إلي هتوصلك ل80كيلو هدفك دا لازم يفضل قدام عنيكي طول النهار والليل عارفة لما يكون حد بيحب حد قوي بيفضل طول النهار والليل يفكر فيه لغاية ما يوصله أنا بقي بأقولك حبي الميزان وهو مؤشره واقف عند 80 وطول الليل والنهار تخيلي كدا دا هدفك حطيه قدامك لغاية ماتوصليله إنتي مانمتيش وصحيتي لقيتي وزنك كدا لأ دي دهون إتراكمت في سنين صعب في يوم وليله تتخلصي منها في حاجت كتير جميلة أوي غير الأكل إشغلي نفسك بيها وعلي فكرة إنتي لما تخسي هتبقي سندريلا وحديث الناس كلها))) أنا مؤمنة تماما إن ربنا مبيديش لإنسان كل حاجة بس ربنا إداني حجات كتير حلوة بس حرمني من الأحلي وهو إني أبقي رفيعة الحمد لله طبعا علي كل حاجة وأكيد ربنا خد مني النعمة دي لحكمة هو بس إلي يعرفها ممكن لو سألتم المقربين لي عني يقولوا دي الصفة المميزة فيها إنها مبتبطلش ضحك أبدا فعلا ممكن أنا أكون كدا بس من جواي حزينة أوي أوي أوي حزينة لأن التخن طغي علي كل حاجة جميلة جواي جزينة لأن بسببه إتدفنت أجمل أحلامي حزينه لأن بسببه برضه ضيعت كتير من أجمل سنين عمري أنا معتبراه إبتلاء لي ويارب يزول قريب نفسي أحس بطعم الدنيا وأنا وزني 80كيلو وأشوف هل هيبقي طعمها مر أوي كدا وإلا هتبقي أحلي كل ما ماأبقي لوحدي وأرجع بالزمن مبأفتكرش غير معاناتي مع التخن معناه لو ألفت فيها كتاب كامل مش هأقدر أوصف قد إيه كانت ومازالت مريرة فوق ما أي حد ممكن يتصور الحمد لله علي كل شئ …. يسعدني ويشرفني وجود عضوات الجزئ الأول معاي هنا في الجزئ الثاني ويسعدني برضه إنضمام عضوات جديدة لينا إلي حابة تشترك معاي ياريت تتفضل تكتب بياناتها يارب يحقق لنا كل أمالنا وأحلامنا أخيرا عجبني جملة كنت سمعتها وبصراحة أنا بأهديها لنفسي وبأقولها (إذا أردت شيئا بقوة فأطلق سراحة فإن عاد إليك فهو ملك لك إلي الأبد وإن لم يعد فهو لم يكن لك من البداية)
dr myaar dr myaar images/flowersavatars/avatar0031.jpg ممنوعة من المشاركة Fatakat 255897 جنة الدنيا – مصر
سبحان الله و بحمده