[center][center]
[SIZE="6"]
يسر ادارة جروب تعبتي من شكلك وجسمك تعالى انضمى لينا
ان تزف اليكم
الجزء الثانى من التحدى الاسبوعى للجروب وهو بعنوان *** تحدي نفسك***
فكرة المسابقة
, شوفوا يا مزز المشتركات في التحدي الشهري بيخرج منهم بعض المشتركات
بسبب عدم الالتزام بكتابة التقارير او بقوانين التحدى
كذلك هناك مزز بيكونوا اشتركوا فى الجروب ومش لحقوا يشتركوا فى التحدى الشهرى
فقررنا عمل تحدي اسبوعي للمشتركات اللي تخرج من التحدي الشهري والمشتركات اللواتى لم يستطعن الالتحاق اصلا بالتحدى الشهرى
طبعا بنرحب بكل المشتركات وبتمنى من الجميع الجدية والالتزام لتحقيق افضل النتائج
وتذكرى اسم التحدى بتاعنا (تحدى نفسك) يعنى لازم يكون فية عندك اصرار وعزيمة والتزام عشان توصلى للوزن الى انتى بتتمنية بصحة
ويا ريت كل المشتركات يتبعوا النظام الغذائى الاتى لتحقيق افضل النتائج باذن الله:
شوفوا معايا يا مزز :
اهم حاجة تفطرى ويكون وقت الفطار بدرى علشان جسمك يحرق اكتر طول اليوم
مثال للفطار
ربع رغيف بلدى + 4 معالق فول + خيارة
ممكن تبدلى الفول بالبيض المسلوق او الجبنة القريش
بعد 3 ساعات على الاكثر ناخد سناك خضار ( خيار او خس ) او فاكهة من المسموح (تفاحة مثلا)
بعد 3 ساعات على الاكثر نقول مثلا وجبة الغدا :
اى نوع بروتين (فراخ – لحمة – بيض مسلوق ) طبعا كله مسلوق او مشوى فى الفرن من غير دهون ولا جلد + 3 معالق ارز + بوله خضار + طبق سلطىه كبير (مهم جداااااااا)
بعد 3 ساعات على الاكثر ناخد سناك خضار ( خيار او خس ) او فاكهة من المسموح (تفاحة مثلا)
العشاء : ممكن زبادى – ربع رغيف + فول او جبنة
– نوع فاكهة (ثمرتين )
– فيشار
المشروبات : مسموحلك ب 4معالق سكر فى اليوم
1- الالتزام بشرب 2 لتر ماء على الاقل يوميا( تشربى اى سوائل وانتى قاعدة ومش اكتر من كوبيتين فى المرة وبعيد عن الاكل على الاقل بنص ساعة )
2- ممنوع شرب الشاى مع الاكل لازم على الاكل فرق نص ساعة والافضل ساعة
3-ممنوع مانعا باتا اكل الفاكهة مع الطعام ( جبنة وبطيخ مثلا) ده فى حد ذاته كارثة للجسم كله
الفاكهة بعد الاكل بساعتين او اى نوع تحلية
4- ممارسه الرياضه علي الاقل 5 ايام في الاسبوع
ولمده نصف ساعه يوميا
واللينك ده هايفيدك ان شاء الله
المرجع الرياضي لجروب تعبتي من شكلك وجسمك
https://fatakat.univanet.com/#3547700
5-مشروبات حارقة للدهون
1- العسل والليمون
يمكن استخدامهم كنظام لخسارة الوزن الطبيعي عن طريق شرب العسل مع عصير الليمون والماء الدافئ كل صباح على الريق حيث الطاقة والنشاط وإنقاص الوزن
2- كوب عصير البقدونس صباحا :
إحضار حزمة من البقدونس و غسلها جيدا ثم تقطيعها و وضعها فى إناء به كوبان من الماء و رفعها على النار لدرجة الغليان ثم نتركه حتى يهدأ ثم نقوم تصفية البقدونس و تناوله كعصير ساخن او بارد
3- كوب ماء مغلي + ربع ملعقة قرفة + نصف ملعقة صغيرة جنزبيل مطحون + ملعقة صغيرة كمون مطحون + شريحتين ليمون بالقشر
الطريقة : لا يجب غلي المكونات ضعي المكونات السابقة على كوب ماء مغلي ، وتترك لمدة 10 دقائق، وتناوليها 3 مرات فى اليوم قبل الوجبات بمدة 20 دقيقة ، كما يمكنك تحليها بالعسل
4-منقوع حبه البركه
ملعقه صغيرة من حبه البركه توضع بالكوب ثم يصب فوقها الماء الساخن
وتغطي وتشرب قبل النوم
5- الشاي الاخضر
التقارير اليوميه هتكون هنا باذن الله ودة نموذج لازم تلتزموا بية فى كتابة التقارير يا جميلات :
نموذج التقرير اليومي::
الفطار::
سناك::
الغدا::
سناك::
العشا::
الرياضة::
الماء::
المشروبات::
[COLOR="rgb(139, 0, 0)"]اخيرا اتمنى للجميع التوفيق والتألق وتحقيق افضل النتائج
[/CENTER]
فارسة على خطى الرسول فارسة على خطى الرسول 221136_38.gif فتكات ست الكل Fatakat 221136 غزة – فلسطين