السلام عليكم
ازيكم حبايبي
ده السمك الي بأعمل منه التونه
عندنا اسمه السمك الروسي في ناس تانيه بتقول عليه (ماكريل)
الكيلو ب13ج يكفي 6 او 8 افراد ان شاء الله
هنغسله كويس اوى وننقعه شويه بميه وخل وليمون لمده ساعه مثلا
وبعد كدا تغسليه وتقطعيه بشوكه قطع زى دي وطبعا الراس بتترمي
وتحطيه في حله صاج .انا بحطه في الفواله
وتغطيه بمايه مجرد تغطيه وتحطي عليه 1/2 كوب زيت بــــــــــــس
اول ما يغلي وطي عليه او انقليه علي سخان الفول لو عندك
بياخد وقت شويه في التسويه
ده لما استوى مررررررررررررررررررررمل
هتعرفي انه استوى لما تدوقي العظم تلاقيه زى اللحم بالظبط طري وبيتاكل
واول متهرسيها بالشوكه مش هتعرفي الفرق بين الشوك واللحم
بس يا ست الكل وحطي بقي تحبيشاتك زى ما تحبي الملح والليمون والشطه وطماطم و………..الي تحبيه
وبألف هنا
كان نفسي اصور الطبق بعد التكات والانتيكات بس النور قطع وطبعا الناس جعانه لو قلت لحد استني هتاكل انا
التخزين بقي
لما يبرد من غير اى اضافات هتحطيه في علبه ثلاجه او كيس تلاجه وتحطي معاه شويه مايه من الي في الحله وتحطيه في الفريزر
ولما تحتاجيه طلعيه وسبيه شويه يفك وهتلقيه ان شاء الله زى الطازة
مواضيع هذا القسم برعاية
نـــوال نـــوال 168662_1.gif فتكات رائعة Fatakat 168662 المنصورة – مصر