السلام عليكم ورحمه الله وبركاته
اولا الحمدلله علي قضاء الله وربنا يجعله في ميزان حسناتي يارب
انا هحكي من الاول وياريت اللي مرت بتجربتي تدخل تطمني لاني حاسه اني هموت ومش هقوم منها
انا حامل في الشهر الرابع والحمدلله فجاه رجليا بدات تورم ماخدتش في بالي قلت املاح وهتروح
وتاني يوم لاقيت نفسي رجليا بركبي وارمين جدا ودراعي الشمال واقف اتصلت بالدكتور اللي عامله معاه متابعه
قالي اجري اعملي اشعه دوبلر علي الاورده كان شاكك انها تكون جلطه والحمدلله طلع مافيش حاجه
رحتله قالي كده الموضوع بره النسا خالص لازم تكشفي عظام وكنت وصلت اني مش بقدر امشي وركبي مش بتتني مبعرفش اطلع سلم ولا انزل
وقلتله بالله عليك اكتبلي مسكن انا بموت وكتبلي علي بروفنيد وحقن فيتامينات للعظم وقالي البروفينيد ميزدش عن 3 ايام
ورحت دكتور عظام طلب مني 7 تحاليل سرعه ترسيب ونقرص زكالسيوم وبوتاسيوم
وطلع عندي سرعه الترسيب عاليه والتهابات عاليه جدا في المفاصل
رحت لدكتور العظام اللي طلب التحاليل وهي مستشفي القوات المسلحه للعظام
لاقيتها النهارده مافيش كشف
بقيت ادور علي دكاتره عظام ملقتش غير في جامع
روحتله قالي دي التهابات خلويه طب ايه بتيجي في الحمل قالي لا ممكن بسبب ميكروب والحمل بياهلك لاي حاجه
ومقدرش اكتبلك دول غير مرهم موضعي كنت هعيط وابوس ايده قلتله بموت عايزه علاج قالي مقدرش ابوظ حملك
قالي روحي لدكتور نسا يكتبلك قلتله انا متابعه مع دكتور نسا وقالي علاجي تخصص العظام
قالي ازي هما اللي هيكتبوا علاج يناسب الحمل عشان مديكيش دوا يشوه الجنين
دخلت لدكتوره النسا في نفس الجامع لاني مش مستنيه قالتلي معرفش عندك ايه ومش عارفه اديكي ايه
علاجك عند دكتور عظام وادتني مضاد حيوي عام اعمل ايه قولولي هموت ماحدش عارف يعالجني
وانا بموت من الالم هو ممكن يسيبوني كده طول فتره الحمل ده انا مش مستحمله يومين
وانا اصلا مبقعدش غير بمسكن بروفينيد ده اللي اخره معايا النهارده لانه خطر علي الحمل
وبقعد اعيط من الام طول اليوم صوابعي مبقدرش افتحها ايديا الاتنين ركبي ناااااااااااااااااااااااااااااااااااار ومبتتنيش ومقدرش اقف عليها اخواتي بيشلوني للحمام ده غير السخونيه والرعشه اللي بتجيلي في جسمي كله مبعرفش اتقلب علي السرير انا صعبان عليا عيالي اهلي طلعان عينهم ومش متخيله اني ممكن افضل كده لحد ماولد معرفش اشيل بنتي واخدها في حضني واخدمها هيا واخواتها بالله عليكوا محتاجه دعاءكم جدا
الدعاء بظهر الغيب مجاب اني الاقي علاج واخف واقوم لعيالي انا حاسه اني هموت وساعات بقول يمكن دي سكرات الموت
لو حد مر بتجربتي وخف منها يدخل يحكيلي بالله عليكوا طمنوني
ومتنسونيش من دعاءكم
ام جومي ام جومي 259461_16.gif سوبر فتكات Fatakat 259461 بلاد الله الواسعه – في مصر ويمكن السعوديه والله اعلم بكره فين لوغبت عنكم وبقيت في عالم غير عالمكم لاتنسوني من دعائكم
سبحان الله و بحمده