كل سنة وانتم طيبيبن
ان شاء الله العيد على الابواب ربنا يعودة عليكم بخير
هقولكم ان شاء الله طريقتى فى تمليح الترمس
المكونات
ترمس من عند العطار فيه نوعين – بلدى ومستورد
دة له طريقة ودة له طريقة هقولك الاتنين
ماء يغطى الترمس
ملح
الطريقة
الترمس البلدى
هتنقعية فى المية الباردة 12 ساعة بعد ما تغسلية
وبعدين تغيرى المية بتاعة النقع وتغليه على النار لحد ما تلاقى القشرة استوت
هتغيرى المية عليه لمدة 3 ايام لحد ما تروح منه المرارة – عشان الترمس البلدى بيبقى مر
تملحية فى اليوم الرابع وتشيلية فى علبة بلاستيك او زجاج
الترمس المستـــــــــــورد
دة بقة بيكون ترمس سريع فى عمله – يعنى لو العيد قرب وملحقتيش تعملى
البلدى تعملى المستورد
طريقتة سهلة جدا
تنقعية برضة 12 سعاة بعد الغسل كويس اوى
وبعدين تغليه لحد ما القشرة تستوى
وبعدين تصفى المية وتملحية وبعد 4 ساعات تاكلية بالف هنا
مواضيع هذا القسم برعاية
قطة شيراز قطة شيراز images/flowersavatars/avatar0028.jpg فتكات رائعة Fatakat 114624 ام الدنيا – مصر الحبيبة