السلام عليكم ورحمه الله وباركاته
ازيكم يا فتوكات
انا لسه متجوزة بقالى كام شهر ومحصلش حمل المهم عملت تحاليل تالث يوم الدورة وكانت النتيجه كالاتى
lh 4.58
fsh 4.76
prl 17.2
tsh 1.16
المهم رحت للدكتور وعملى سونار قالى عندك تكيس وبالتالى ضعف تبويض قالى انو المفروض lh يكون اقل من fsh
طبعا انا اتصدمت لانو انا طول عمرى دورتى مظبوطه جدا و ماعنديش شعر زايد فى جسمى و وزنى 53 كيلو …. المهم ادانى علاج سيدوفاج 500 مرة فى اليوم قالى استمرى عليه على طول لحد ما تحملى واشوفك الشهر الجاى يمكن تحتاج منشط كلوميد
الصراحه انا قلقت من كلام الدكتور دا قولت اتأكد من دكتور تانى رحت قالى التحاليل سليمه وعملى سونار قالى عندك ضعف تبويض الشهر دا قولتله ماعنديش تكيس قالى لأ لألأ خالص قولتله بالنسبه lh و fsh نسبتهم تدل على تكيس قال لأ
التكيس لازم lh اكبر من fsh انتى بس عندك ضعف تبويض الشهر دا وممكن الشهر اللى جاى يكون فيه تبويض وقالى لو مافيش ممكن اديكى كلوميد بس
انا بقى دلوقتى مش عارفه مين صح ومين غلط طب انا عندى اى … والضعف التبويض من اى و اى دكتور كلامه صح
بالله عليكم اى واحدة عندها خبره ترد عليا و لو تكيس فى امل مع العلاج يحصل حمل ؟
اسفه على الاطاله
يارب ارزق كل مشتاقه يارب
** القلب الحنون ** ** القلب الحنون ** فتكات متميزة Fatakat 1102792 اسكندريه – مصر