بسم الله الرحمن الرحيم
اليوم الموضوع عن البيكاتا اللي هي الفراخ البانيه او اللحم المقطع شرائح بتاع البفتيك
والمشروم هو هو الشمبنيون
والمقدمه دي علشان الاشتغالات بتاعت الاسماء ومحدش يضحك عليكي
نبداء بالمقادير
1/2 كيلو فراخ بانيه صدور مقطعه شرائح
بصله مفرومه ناعم وبصله مقطعه ترنشات
2 فص ثوم
ملعقه ليمون
2 ملعقه خل
رشه كاري ورشه جنزبيل
دقيق لتتبيل الفراخ
وبديل الكريمه الباني لانها غاليه
ملعقه دقيق +ملعقه نشا+ كوب لبن بارد ويضربوا جيدا بالمضرب اليدوي
2 ملعق زيت+ ملعقه ذبده
م ص ملح +م ص فلفل اسود
اسيبكم مع الصور وبعدين نقول الطريقه
الطريقه
نتبل الفراخ بالخل والبصل المفروم والليمون والملح والفلفل الاسود
ونسيبها 1/4 ساعه نحضر البصل الترنشات والمشروم نصفيه من ماء الحفظ ونغسله بشويه ميه
نحضر طاسه تيفال ونضع فيها الزيت والذبده نتبل الفراخ بالدقيق ونشوحها علي النار لحد ما تتحمر
نشيل الفراخ من الطاسه وبعدين نحط في نفس الطاسهالبصل الترنشات والثوم وندبلهم
وبعدين نحط المشروم ونغطي عليها لحد ما يستو و المشروم يتحمر
وبعدين نحضر اللبن والدقيق والنشا ونضربهم وبعدين نحطهم في الطاسه ونقلب بسرعه
وبعدها نحط الفراخ تاني تتسبك معاهم لحد ما يستوو في بعض
وبعدين نحدق بالملح والفلفل والكاري والجنزبيل
ونقدمها مع مكرونه مسلوقه وبالهنا والشفا مواضيع هذا القسم برعاية
زوجه جديده زوجه جديده 152629_1.gif فتكات متميزة Fatakat 152629 الشرقيه – مصر