فتوكاتى الحلوووووين
طلبت معايا النهارده اكل بفتيك بس انا فستوكة شوية ومعدتى واجعانى فقررت اعمل شوية من البفتيك بانية عادى والباقى بقى عملتوا محشى لحمة مفرومة وطلع جااااامد اخر حاجه فقولت بقى لازم ادوقهولكوا
يالا اجهزوا بالشوك والسكاكين
شوفوا بقى انا عملت ايه
جبت لحمة مفرومة مش كتير ربع كيلو بس ويمكن اقل وعصجتها عادى بالبصلة وحطيت كمان طماطم مبشورة وبهارات لحمة وملح وفلفل اسود وزودت كمان قرفة وجنزبيل بودرة وحبة كركم صغيرين خالص وشوية ميه وسيبتها على النار تستوى
وبعد ماستوت بشرت عليها جزراية وبطاطساية صغيرة
البفتيك بقى تبلته بمية بصل وخل او ليمون لو عايزة وصويا وملح وفلفل اسود وجنزبيل بودرة وقرفة وشوية زبادى وقلبتهم وسيبتهم فى التلاجة ساعتين
بعد كدة خدت البفتيك وفردتها وحطيت فيها شوية من اللحمة المفرومة اللى احنا مجهزينها وقفلتها من الناحيتين ولفيتها وبعدين قفلتها بخيط اوبخلة اسنان خشب لو عندك انا معنديش فلفيتها بخيط عادى بس تخنى الخيط شوية ومتلفيهاش جامد علشان متتقطعش منك
بعد كده حطيت حتة سمنة وزيت زيتون فى طاسة ولما سخنوا حطيت فصين توم مفرومين وشوحت معاهم البفتيك ياخد لون
وبعدين بشرت نص طماطماية ناعم خالص ودوبتهم فى شوية شوربة وحطيتهم على البفتيك وغطيته بفويل وعلى الفرن اللى كنت مسخناه قبل كده وسيبتهم تقريبا تلت ساعة لحد المياه بتاعتهم منشفت انتى ممكن تتابعيه
ودى صورته بعد مطلع من الفرن وممكن لو تحبوا بدل الفرن تسيبوه فى الطاسة وتزودوا الشوربه وخليه على نار متوسطة .
وبس كده والله طلع جامد يا بنات وريحته تجنن وعملت باقى البفتيك بانيه عادى وعملت معاه رز ابيض وملوخية مصرى تجنن ………….اه اه اه اوعوا تنسوا تشيلوا الخيط بتاع البفتيك بعد ميطلع من الفرن
اوعوا تنسوووووووووووووووا التقييم مواضيع هذا القسم برعاية
moramady moramady 840614_1.gif فتكات رائعة Fatakat 840614 المدينة المنورة – المملكة العربية السعودية