السلام عليكم يا أحلي فتوكات النهرده كنت عاملة برياني وكان عندي وقت أصور الخطوات
يلا بنبدأ بسم الله
أول حاجه نكون ناقعين الرز البسمتي بتاعتنا أنا بنقعه مدة ساعه أنا بعاير الرز بالكوباية علشان أعرف أزود الشربة ومش يعجن مني وأنا حطت كوباية وحده رز
تانيا حاجه الفراخ تكون مغسوله كويس أنا مش صورة الخطوه دي
وهنجيب الحله بتاعتنا ونحط فيها معلقه سمنه و 2 بصله متقطعه جوانح ونشوحها فالسمنه وبعدين قبل ما تدبل نحط الفراخ بتاعتنا ونشوحها مع البصلة لحد ما لونها يتغير هنزود مايا أنا علطول بعمل الفراخ كده وبجد طعمها بيكون حلو أوي والشربه بتاعتها طعمه ونحط
3 حبهان + 1 ورقه لورا + ملح + فلفل اسود
بعد ما الفراخ تستوي نحطها على جنب ونشلها من الشربه
هنعمل بقي البهارات بتاعت البرياني
فالمطحنه بتاعتنا نحط 5 فصوص توم + 4 قرنفل + 2 حبهان + 4 فلفل أخضر حار + قطعه صغيره قرفه + 1 معلقه شاي شمر حصي + كمون حصي بس مش كتير حاجه بسيطه جداً وشويه مية علشان نضربهم تمام كده
نجيب الحله بتاعتنا ونحط شويت زيت ونحط عليهم الخليط بعد ميضرب فالخلاط ونفضل نقلب
وبعدين نوطي العين لحد لم نلاقي البهرات بتاعتنا تقلت والزيت بدأ ينتشر
نحط الشربه بتاعتنا ونقلب ونرفع النار تاني
وبعدن نضيف الرز بتاعنا ، أنا حطت كبايتين شربه
تاخد غلوة وحده وبعدين نوطي العين و نغطيها أنا سبتها نص ساعه
بعد ما الرز يستوي نحط عليها الفراخ كده من غير ما تتحمر لأن الهنود بيعملوها كدا
بس أنا مش بحب الفراخ كده و بحمرها
هنا بعد ما الرز إستوى حطيت لون أكل مش كتير يادوب حاجه بسيطه وأقلبها فالرز بيعمل الرز كأنه لون ولون
وبعد ما حمرت الفراخ
وأدي صوره تانية
ودة الصوص عباره عن 5 فلفل أخضر حار + نص لمونه+ 1 طمطمايه + كسبره خضره + معلقه شاي خل + ملح + كمون + كسبره ناشفه + شويه ميه
أنا تعبت فالموضوع عقبال مظبت الصور ورفعتها كل إلي طالباه دعوه حلوه ربنا يبارك في زوجي وبيتي ويرزقنا بالذرية الصالحة المعافية عاجلا لا أجلاً
مواضيع هذا القسم برعاية
fly.rose fly.rose 301046_1.gif سوبر فتكات Fatakat 301046 In My Home – Some Where In D World