ازيكم يا فتوكات يا قمرات عاملين ايه النهاردة يارب تكونوا في خير دايما يااااارب
موضوعي النهاردة عن البردقوش عملت عنه سيرش و في فتوكة جدعة هنا اسمها اسيرة الخوف اتكلمت عنه و اد ايه هو مفيد و خصوصا الي عندهم خلل في هرمونات الذكورة و انا بصراحة حاسة ان عندي الهرمون عالى و الي عرفته انه مالهوش علاقة بالبيريود خالص يعني الحمد لله هي منتظمة الي حد ما المهم الفتوكة القمر دي قالت ان كان عندها خلل في الهرمونات و لما اخدت ادوية ما أثرتش معاها بس لما واظبت على البردقوش لمدة شهر كل يوم صباحا على الريق لما راحت حللت بعد كده كانت النتيجة
سبحان الله الهرمونات اتظبطت و على فكرة البنات الي عندها الهرمونات متظبطة مفيش مشكلة لو هاتاخده هو اصلا عشب طبيعي و مفيد و اعمله عنه سيرش هاتلاقوا حاجات غريبة سبحان الله
المهم بقى يا بنات اختكم الي هو انا يعني رفيعة و قريت ان في بنات بتشربه علشان تخس و انا و الله مش ناقصة
بس في نفس ذات الوقت عايزة اشربه علشان الشعر الزائد الي عندي خلاني اشك فعلا في الهرمونات فقلت اشربه و هو مفيد الحمد لله و املي في ربنا ان الهرمونات تتظبط ادعولي
بس السؤال بقى الي احب اسأله للفتوكات حبايبي الي مش هايكسفوني ان شاء الله و هايردوا عليا و طبعا البنات الي جربته ينفع اشربه في نص اليوم يعني مش لازم على الريق و لا ايه و استمر عليه اد ايه و كام كوباية في اليوم علشان انا مش عايزة اخس
و ياااااارب يااااااااارب كل الي ترد عليا تحقق كل الي بتتمناه يلا بقى وروني الردود
أحبكم في الله
بنت.مصر بنت.مصر فتكات متميزة Fatakat 433274 القاهرة – مصر