[center]
أشكر الأخت نعمة من ربى جزاها الله خيرا وكل القائمات على هذه المسابقات
عملت كيكة البراونيز للشيف محمد فوزى ربنا يجزيه خير
وطعمها رووعه ماشاء الله وسهله جدا وسريعه ومن غير خلاط ولا مضرب زى ما قلت فى العنوان
المقادير :
4 بيضات وعليهم رشة ملح بسيطه
1 ونصف كوب سكر
كوب دقيق
400 جرام شيكولاته سايحه ((شيكولاته متسيحه على حمام مائى )) وتكون فاتره مش سخنه
((بس انا استبدلتها بنص كوب نوتيلا بيتى عملاها فى البيت ((كوبايه كاكاو خام كوباية سكر كوباية زيت كوباية لبن حليب )) وأضربهم فى الخلاط لحد ما يتقلوا
2 معلقة زبده
معلقه صغيره بيكنج بودر
كوب عين جمل
فانيليا
الطريقه :
سهله جدا وبدون خلاط ولا خفق
بالمضرب السلك اليدوى
نضرب البيض مع الفانيليا مع السكر مع معلقتين الزبده كده
ولو هنستخدم الشيكولاته الخام هنحط الزبده تسيح معاها ونخفق السكر والبيض بس وبعدين نضيف عليه الشيكولاته المتسيحه وتكون فاااتره ومعاها الزبده
هنا حطيت النوتيلا وطبعا لو استخدمنا الشيكولاته المتسيحه هنحط معاها معلقتين الزبده
قلبتها بالمضرب كده
حطيت كوباية الدقيق وعليها البيكنج بودر
كسرت عين الجمل ورشيت عليه شوية دقيق وقلبته
وحطيته مع الدقيق وده الشيف بيقول عشان مش ينزل تحت فى قعر الصينيه
قلبتهم بالمضرب السلك كده
جبت صينيه مقاس 26 ودهنتها زبده ورشيتها دقيق كويس ومن الجناب كمان
وصبيت فيها الخليط كده
والشيف قال نقطه حلوه اننا نفرد الخليط من النص بالمعلقه عشان مش ترتفع من النص
وانا عندى اصلا فرنى فيه المشكله دى فعملت كده مرتفعتش من النص اوى الحمد لله
حطيتها فى الفرن تستوى على درجة حرارة 175 لمدة 25 دقيقه
وهنا استوت الحمد لله اختبرتها بخلة سنان جديده من النص لو طلعت نضيفه خلاص استوت الحمد لله
سبتها تبرد خالص وبعدين قطعتها
وهنا قطعتها مثلثات وزينتها زى الشيف وقطعتها مربعات كمان الشيف زينها بالشيكولاته المتسيحه
أنا زينتها بالنوتيلا
مواضيع هذا القسم برعاية
الاميره ام يوسف نور عيونى الاميره ام يوسف نور عيونى images/avatars/landscape.jpg سوبر فتكات Fatakat 571455 مصر حبيبتى الله يحفظها ويحميهامن كل شر – مع زوجى وولادى ربنا يحفظهم ويحميهم