السلام عليكم ورحمه الله وبركاتهازيكم يا فتاتيك يارب تكونوا كلكوا بخير بصوا بقي انا فكرت وتكتكت وطلعت ريجيماتي اللي كانت مديهاني الدكتوره وقلت ايه يا بت يا مروة احنا نفيد ونستفيد انا والفتوكات نعمل الريجيمات مع بعض هما يستفادو ويخسوا ان شاء الله وانتي تستفادي وعزيمتك تزيد عشان مش هتبقي لوحدك واسم الجروب البدايه لاننا هنبتدي مع بعض ان شاء الله من اول يوم الاحد ان شاء الله هتقولولي والدراسه هقولكوا كلوا محلول ان شاء الله ومن غير رغي كتيييييييير انا كنت خسه 15 كيلو وطلعت اربعه كيلو اليومين دول قلت ايه انا ابدا مع البنوتات والمدامات عشان اوصل للوزن اللي عايزاة بس من غير عك ولا تجويع وده بقي يا فتوكات اول ريجيم وان شاء الله يعجبكوا ومين تقول هات؟
الفطار اليومي ؛
جبنه قريش + رغيف عيش سن +شاي بلبن منزوع الدسم وسكر دايت او من غير سكر
او
بيضه مسلوقه +رغيف عيش سن + شاي ببلبن
او
عدد 3 معالق فول بتوابل عادي بس من غير زيت ومن تخرطي طماطم وخيار +رغيف سن + شاي بلبن
الغداء اليومي؛
ربع فرخه (ياريت الصدر عشان تشبعوا)+سلطه (طماطم وخيار وخس وفلفل حامي او بلاش فلفل وبقدونس) او خضار مسلوق
او
عدد 2 سمكه مشويه + سلطه + ثمره فاكهه
او
3 معالق فول+عيش سن + ثمره فاكهه
العشاء اليومي:
جبنه + عيش سن
او
2ثمره فاكهه
او
زبادي وعيش سن
وعلي فكره يا فتوكاتي فيه كزا ملحوظه
1/ لو مفيش فراخ في البيت يلااااااااااااا بينا نجيب بيضتين مسلوقين رضا
2/ لو مفيش سمك مشوي هنتصرف ياما نجيب علبه تونه ونحطها علي مصفاه ونشطفها بالخل وبعديها نتبلها بالملح والشطه ونخرط عليها طماطم وخس وخيار
3/ كلللللللللللللللللللللللللللللللللللللللل المشروبات مسموحه والميه اكيد
4/ اللبن خالي الدسم فيه بودره اسمه ميرو بيقعد كتييييييييير جدا
يلا يا فتاتيك اللي عجبها تقولي يلا بينا هنبتدي ان شاء الله وندعي ربنا يبقي معانا يلا مين جي؟
ش-_-م-_-س ش-_-م-_-س فتكات هايلة Fatakat 231627 حلوان – مصر