ازيكم يا احلى فتوكات
النهارده جايبلكم بيتزا سهله جدااااااا وطعمها جنااااااااااااااان
المكونات
2.5 كوب دقيق
نص كوب زيت
نص كوب لبن
بيضه
معلقه صغيره ملح
معلقه كبيره خميره
ملحوظه:انا استخدمت دقيق اسمر ولبن منزوع الدسم عشان تبقى دايت بس لازم احط دقيق ابيض عشان اسمر بس مش بتخمر معايا (2 كوب دقيق اسمر ونص كوب دقيق ابيض)
الطريقه
نحط معلقه الخميره فى ربع كوبايه ميه دافيه(مش سخنه)ومعاها ربع معلقه سكر ونسيبها على جنب
نحط الدقيق والزيت واللبن والبيضه والخميره كله على بعض
وبعدين نعجنهم لحد ما العجينه نسيب خالص من الحله
وبعدين نغطى عليها ونسيبها فى مكان دافى لمده ساعتين
ودا شكلها بعد ما خمرت
وبعدين نجهز صنيتين وندهنهم زيت ودقيق عشان ماتلزقش من تحت
وبعدين ناخد نص العجينه فى كل صينيه ونفردها بايدنا فى الصينيه
ونولع الفرن يسخن لحد ما نحط الاضافات بتاعتنا
انا دهنت وش العجينه كاتشب وحطيت جبنه رومى وجبنه شيدر وجبنه موزاريلا وفلفل اخضر وطماطم وزيتون اسود وفراخ كانت باقيه عندى
وعلى الفرن على طووووووول لمده ربع ساعه بالظبط
وطلعتها من الفرن بعد ربع ساعه كانت الريحه اييييييه واتفضلو بالهنا والشفا
اول واحده ترد عليا ليها الاتنين وانا وجوزى نقضيها عيش وجبنه
واذا ماردتوش هبقى متغاظه وهاكل الاتنين لوحدى عشان لما بتغاظ باكل كتييير
وبالهنا والشفا
مواضيع هذا القسم برعاية
روهاا روهاا 93648_1.gif مراقبة مدونة Fatakat 93648 المدينه المنوره – السعوديه