اذيكم يا فتوكات النهاردة جيبالكم طريقة عمل الازانيا الايطالى بتكاتى وعايزة تشجيع جامد عشان دى اول موضوع لية فى القسم دى ويا رب تعجبكم ندخل فى الموضوع
المقادير
6شرائح لازانيا ذى اللى موجودة فى الصورة كدة
زيتون اخضر مفروم خشن +مفروم اسود مفروم خشن
مشروم متشوح فى بصلة بنفس طريقة اللحمة المعصجة
6ورقات جبنة شيدر+جبن موتزاريلا مبشورة
عصاج لحمة +بشاميل تقيل شوية
ومعلش ما لحقتش اصورهم
نسلق المكرونة عادى فى مياة وملح وزيت عشان ما تلزقش
ونجيب مصفاة تحتها طبق فية مياة ساقعة عشان نطلع فية الازانيا بعد ما تتسلق نص سلقة
بعد كدة نجيب الصينية ويستحسن تكون بيركس ونحط فيها طبقة بشاميل و3ورقات من الازانيا
وبعدين نحط اللحمة والمشروم ونصف الزيتون الاخضر والاسود ونص الموتزاريلاوطبقة بشاميل خفيفة
وبعدين نحط 6ورقات من الشيدر
بعد كدة نرص ال3 ورقات اللى فاضلة من الازانياونغطيها بالبشاميل
وبعدين نضيف طبقة بشاميل وباقى الزيتون الاخضر والاسود والموتزاريلا
وبعدين نغطى الصينية بطبقة بشاميل خفيفةلغاية ما يتغطى الزيتون والجبنة كدة
وبعدين تدخل الفرن من تحت الاول لغاية ما تستوى وبعدين من فوق لغاية ما يحمر وشها وبعدين نطلعها ونرش وشها بالموتزاريلا وتدخل تانى لغاية ما تسيح الجبنة وادى يا فتاتيكى الشكل النهائى
ومعلش سامحونى ما لحقتش اقطع لكم حتة اتنسفت بالهنا والشفا اوعدكم فى الصنية اللى جاية
وما تنسونيش من صالح دعائكم واوعوا تنسوا التقييم
سبحان الله و بحمده