السلام عليكم و رحمة الله و بركاته يا أحلى الفتوكات
زي ما العنوان بيقول كدة بالزبط
صلاحية الادوية اللي اتفتحت خلاص مختلفة كلية عن التاريخ المكتوب على العلبة
و ححكيلكم عرفت ازاي
انا كنت من فترة قريت ان الادوية المستعملة لازم نسلمها للصيدليه
ولما بنوتي تعبت الاسبوع اللي فات
كنت بيها عند الدكتور و افتكرت المعلومة دي فقلت أسأل الدكتور للتأكيد
وده الحوار اللي حصل
انا = ش
الدكتور = د
ش : لو سمحت يا دكتور انا عندي ادوية كتير مستعملة بس تاريخ العلبة لسة بدري عليه
د : الادوية دي لازم تترمي فورا
ش : بس تاريخ العلبة لسة بدري عليه
د : حتى لو تاريخ العلبة لسة بدري عليه
لان الدوا بعد فتحه مدة صلاحيته بتبقى اسبوعين بس
انا ذهلت طبعا من كلمة اسبوعين لان عندي كمية ادوية مش طبيعية
فقلت ادور عالنت أتأكد زيادة
لقيت النت بيقول ان مدة الصلاحية للدوا المفتوح ما بين 3 اسابيع – شهر
ودي طبعا بتختلف ما بين الادوية الشرب عن القطرات عن المعلق
لكن علشان نبقى في الامان خلينا في مدة الأسبوعين لاننا مش خبرة علشان نعرف مدة كل دوا قد ايه بالزبط
المهم بقى
لما رجعتله بالاستشارة امبارح و رحت الصيدلية اجيب الدوا الجديد قلت أسأل الصيدلي
انا = ش
الصيدلي = ص
ش : لو سمحت يا دكتور انا عندي ادوية مستعملة و الدكتور كان قالي صلاحيتها اسبوعين
ص : ايوة صح
ش : طب اتخلص منها ازاي ؟
ص : ممكن ترميها ش : بس اخاف احسن حد يدور في الزبالة ويخدها
ص : يبقى ممكن تفضي الازازة في الحوض و بعدين ترميها
وهو ده اللي عملته النهاردة
اكتشفت اني رميت 30 ازازة دوا شرب بمختلف الانواع
ده غير قطرات و أقراص
علشان كدة قلت انبهكم علشان تخدوا بالكم من الدوا اللي بنديه لولادنا عمال على بطال
لاننا بكدة بنأذيهم مش بنفيدهم
و كمان بلاش موضوع وصف الادوية ده بالله عليكم
لان في امراض اعراضها بتتشابه و الدكتور بس اللي يقدر يميز كل مرض عن التاني
ده غير ان طبيعة كل جسم مختلفة عن التانية
يعني ممكن علاج يجيب نتيجة مع طفل في حين انه مايجيبش اي تأثير مع طفل تاني
سوري ان كنت طولت عليكم بس الموضوع بجد خطير و عيالنا مش ناقصين
كفاية البلاوي اللي في المية و الاكل و الهوا اللي بنتنفسه
ربنا يحفظهم لنا و يباركلنا فيهم يارب
شمس للأبد شمس للأبد 605153_9.gif سوبر فتكات Fatakat 605153 الاسكندرية – مصر
سبحان الله و بحمده