السلام عليكم و رحمة الله و بركاته
انا عندي بقى فكرة بسيطة هقلكو عليها وهي اني بجيب كيس همبرجر ب17 جنيه فيه 20 قطعه و كل مرة بعمل بيه حاجه بس طبعا مش ورا بعض يعني مرة فراخ مره سمك و مره اخد من الهمبرجر ده 2 قطع و اقطعهم حتت صغيره و بعد كده اخذ حلة و اسخن فيها الزيت و اقطع فيه البصل و بعد كده احط عليه طماطم و معلقة من صلصة الطماطم و اتبلو بفلفل اسود و توم و شطة و احط عليهم الهمبرجر المتقطع و اسيبو لغاية ما يستوي ما بيخدش وقت كتير ممكن تلت ساعة و مننساش نزود شوية ميه على الصلصه في الوقت ده نسلق مقرونه و بعد كده نحط الصلصلة على المقرونة طعمها هايل و بتوفر معايا على فكرة المقادير دي عشان انا و جوزي بس ابني لسه صغير ما بيكلشي فلو انت افراد الاسرة اكتر من كده زودي قطعه او 2 من الهمبرجر .و ممكن نعمل اكلة تانيه يوم تاني ناخذ الهمبرجر و نشويه و ناخذ طبق كبير شوية نحط فيه قطعة من الهمبرجر المشوي و معاه شوية بطاطس متحمره معاه شوية مايوناز و شوية سلطة او مخلالات يعني ممكن عشا خفيف . مواضيع هذا القسم برعاية
عواطف ام علي عواطف ام علي 429470_1.gif فتكات رائعة Fatakat 429470 القاهرة – مصر
سبحان الله و بحمده