هنكمل معاكم بعض الوصفات اللي تنفع للريجيم وبطرقه سهله
تابعوا الجزء الاول من هنا
https://fatakat.univanet.com/#3530735
اكلات للفطار والعشا:
1- سلطة الفول:
هنجيب طاسه ونقطع فيها بصل اخضر او بصل عادي زي ما تحبي وفصين ثوم مقطعين في نقطتين زيت زيتون وعليهم شوية بقدونس او خضره زي ما تحبي وضيفي عليهم الكمون والملح وعصير ليمونه وشوية خل صغيرين وسيبيهم لحد ما البصل يدبل
ضيفي الفول وقلبي وممطن تطحني الفول في الخلاط لو مش بتحبي القشر وقطعي ثمرة طماطم وخياره وفلفله بارده واوراق خس صغيره وممكن تضيفي ملعقة طحينه واحده لو تحبي والطعم روووووووووووعه
2- طعمية دايت:
هاتي شوية حمص وانقعيه في شوية ميه وهاتي حزمة كزبره وبقدونس وبصلة مفرومه وفصين ثوم وملح وكمون وكزبره ومعلقة صغيره زيت زيتون وافركيهم مع بعض جامد وحطيهم في الخلاط لحد ما يديكي عجينه
اعمليها اقراص وحطيها في صينية على ورق فويل وادهني وشها بزيت ودخليها الفرن وبالهنا والشفا
اكلات للغداء:
1- البرجر الدايت:
هتجيبي نص كيلو لحمه مفرومه بس من غير دهن وبصلة مفرومه ومعلقة خل ومعلقة ثوم بودره وملح وفلفل وبهارات وقلبيهم على بعض واعمليهم زي العجينه المتماسكه كده وافرديهم بالنشابه بس تكون تخينه شويه وقطعيهم بالقطاعه شكل دواير
رصيهم في صينية ممسوحة بمعلقة صغيره زيت زيتون او غطي كل واحده فيهم بورق فويل ودخليهم الفرن
وبالف هنا وشفا يا جميل مع توست ريجيم وخس ولا ماكدونالز
2- البانيه الدايت:
هاتي فراخ مخلية من عند بتاع الفراخ وتبليها ببصلة مفرومه وفصين ثوم وملح وفلفل وليمون وكمون ونقطتين خل وبهارات وسيبيها في التتبيله لمدة نص ساعه وبعدين دخليها صينية في الفرن وغطيها بورق فويل وتحتها ممكن تقطعي جزر وكوسه وبطاطس وبسله وفاصوليا هتطلع تحففففففففه بجد لو عاوزه تحمريها يبقى في زيت زيتون وادهني بيه التيفال بس
3- الكبدة الدايت:
نغسل شرائح الكبده كويس اوي ونغمسها في تتبيله من البصل والثوم والملح والفلفل والكمون والليمون والخل والبهارات لمدة نص ساعه
حطيها في صينية وصبي عليها عصير طماطم عليه ملح وفلفل ودخليهم الفرن بعد ما يكون سخن جدا وسيبيها او غطيها بورق فويل لحد ما عصير الطماطم ينشف شويه ودوقي الجمال بقى
4- فراخ كاملة في الفرن:
هاتي فراخ كاملة وقطعيها حسب عددكم ونحضر التتبيله وهي بصلتين مفرومتين وراس ثوم مبشورة وملح وفلفل وبهارات وافركيهم في بعض لحد ما تنزل مية البصل عشان تدي نكهه وتبلي الفراخ من تحت الجلد وفوق وحطيها في حلة وحطي ربعها ميه وارفعيها ع النار بس تكون هادية مش عاليه لمدة ساعه ونص تقريبا هتلاقيها استوت ولا المشوية تجنن
5- الارز بالخضروات:
هاتي كوباية رز مغسوله كويس ومتصفيه وكوباية خضار مشكل
نجيب بصلة مفرومه ونحمرها في نقطتين زين زيتون وملح وفلفل وبهارات والفلفل الاخضر لحد ما البصل يدبل ونضيف عليهم الخضار لحد ما يطرى شوية نحط الارز لحد ما لونه يصفر شويه
نغطي الارز بكوبايتين ميه دافيه ونغطيها نص ساعه وبالف هنا وشفا
حلويات:
1- فروت سلاط:
حنقطع برتقال ونفصص كام فص يوسفى ونقطع فراوله مكعبات او شرايح وقطع تفاح وممكن قليل موز …….. طبعا الفواكه اللى متوفرة عندك بعد كده هنجيب علبة زبادى وملعقة عسل صغيرة او ملعقتين تلاتة عصير ورشة فانيليا .. نخلطهم سوا
وبس قلبى كله على بعضه وممكن ترشي ع الوش لوز مطحون او جوز هند
2- ام علي دايت:
هاتي جلاش وادهنيه ببياض بيضه مخفوقه وافرديها في صاج وحطيها في الفرن لحد ما تتحمر شويه وبعدين كسريها في طبق كبير وضيفي جوز هند ولوز متقطع وعين الجمل (دي المكسرات اللي مسموح بيها سعراتها قليله شويه )
هاتي لبن خالي الدسم وحطي فيه سكر دايت او عسل وممكن تضيفي شوية قرفه لو بتحبيها بتدي نكهه حلوه وسيبيها تغلي
حطي الطبق في الفرن وزودي اللبن عليه لحد ما يشربه شويه
يارب تعجبكم يا قمرات :* مواضيع هذا القسم برعاية
قلب صافي حنون قلب صافي حنون 614082_1.gif فتكات هايلة Fatakat 614082 القاهرة – مصر