كل سنة و انتم طيبين يا احلى فتوكات و ربنا يعود علينا الايام بخير يارب
طبعا حيرة الاكل فى رمضان ملهاش مثيل انا فكرت فى فكرة هتريحنا شوية وان شاء الله تناسب الكل
احنا عندنا رمضان 4 اسابيع و الاسبوع 7 ايام هنقسم الايام بحيث يوم لحمة و يوم فراخ و يوم بانية و يوم كفتة و يوم سمك كدة 5 فاضل يومين يوم متنوع و هقول افكار و يوم شعبى و هقول افكار
و يتكررالاسبوع بس من غير متتكرر الوجبات طيب ازاى طبعا مش فاهمين
مثلا يوم اللحمة
اول اسبوع هنعمل لحمة مسلوقة و رز بالشعرية و فاصوليا خضرا و سلطة تانى اسبوع لحمة بالبصل فى الفرن و بسلة بالجزر و صنية رز فى الفرن تالت اسبوع لحمة محمرة و مكرونة حمرا و سلطة و بطاطس محمرة رابع اسبوع لحمة فى البامية و رز بالشعرية و شوربة لسان العصفور كدة مكررناش يوم بس اللحمة هى الى بتتكرر بس فهمتو الفكرة
نيجى ليوم الفراخ
اول اسبوع فراخ فى الفرن و مكرونة بالبشاميل و سلطة تانى اسبوع فراخ مسلوقةومحمرة و ملوخية و رز بالشعرية تالت اسبوع فراخ بالكارى و مكرونة حمرا رابع اسبوع صنية بطاطس بالفراخ و رز
يوم الكفتة
كفتة مشوية و مكرونة حمرا – كفتة داود باشا بالصلصة و رز بالشعرية – كفتة و ورق عنب و سلطة – صنية بطاطس بالكفتة و رز
يوم البانية
بانية مقلى و مكرونة حمرا و سلطة – بانية و جلاش بالبسطرمة و سلطة -بانية و محشى بتنجان و فلفل و طحينة – نجرسكو فراخ شرائح و بطاطس محمرة
يوم السمك
طبعا حسب الرغبة بورى بلطى او فيلية مقلى او فى الفرن و ممكن جمبرى او سبيط اى سى فود تحبوة و جنبة طبعا رز صيادية و سلطات متنوعة
نيجى بقى لليوم المنوع
ممكن حواوشى – بيتزا – سمبوسك – كبدة – سدق بالبطاطس – فريك بالكبد و القوانص و حجات كتير ممكن تفكرو فيها
اليوم الشعبى
نريح بطننا من اللحوم
ممكن كشرى – عجة و بطاطس و بيتنجان و مخلل – اومليت بالبسطرمة و بطاطس محمرة – بيض مسلوق و محمر و مكرونة حمرا -فول بالطماطم و مخلل و جبنة قريش بالسلطة – شكشوكة بالفلفل و افكار كتير بالهبل
بكدة نظمنا نفسنا و مكررناش ولا يوم و مش هنحتار تانى فى الاصناف الى عجبوا الموضوع يقيم يا بنات اسيبكم فى امان الله مواضيع هذا القسم برعاية
beroo borooo beroo borooo 653921_1.gif سوبر فتكات Fatakat 653921 الاسكندرية – مصر