ازيكم يا اجمل بنات وحشتوني
النهارده هتكلم عن تخزين الطماطم
هي رخيصه خالص دلوقت
ويدوب نخزن قبل ما تغلي
طبعا في طرق كتير انا جربتها هقول عليها كلها ومزايها وعيوبها
وهنزل افضل الطرق بالصور
اول طريقه
نقطع الطماطم ونحطها في الخلاط ونضربها ونصفيها
ونحطها علي النار لحد ما تتسبك
العيوب
انها بتاخد وقت طويل علي النار علي ما تتسبك وتتضرب في الخلاط وده طبعا لو كميه
الطريقه التانيه
اننا نقطع الطماطم ونحطها في حله علي النار لحد ما تتسلق خالص ونطلعاه نضربها ونصفيها
ودي برضه نفس عيوب الطريقه الاولي
بتاخد وقت علي النار لحد ما تتسبك
اما الطريقتين اللي استقريت عليهم اخيرا وهي
طرق مامتي ربنا يشفيها يا رب
هي انك تجيبي الطماطم كلها وتغسليها وتحطيها زي ماهيه كامله مش متقطعه في حله مع شويه ميه صغيره علي النار الهاديه وتقفلي عليها بعد شويه هتلاقيها نزلت كل الميه الصفرا اللي فيها الاملاح والطماطم لوحدها والميه لوحدها
تصفيها بالمصفاه وتضربيها في الخلاط
ونصفيها
ونحط معلقه سمنه علي النار ونحطها عليها تغلي شويه ونفرزها في اكياس او نفرزها علي طول بعد التصفيه
ميزيتها
مش بتاخد وقت علي النار لان ميتها كلها نزلت وبقت تقيله علي طول
من غير املاح او حموضه للطماطم
هتقولي مانت حتطيها الاول علي النار اوك
بس وقت اقل كتير من وقت التسبيك وكده خاليه من الاملاح
مش بتاخد وقت في الضرب بالخلاط لان شافيين الكميه بتاعه الطماطم خست خالص ازاي بدل ما نضرب الحله دي علي اربع خمس مرات هتضرب علي مره او مرتين بالكتير وكذلك في التصفيه
الطماطم قبل ما نحطها علي النار
بعد النار
الميه اللي نزلت
نصفيها
الخلط
التصفيه
التسبيك
لوعجبكم الموضوع متنسوش
مواضيع هذا القسم برعاية
sasamedo2017 sasamedo2017 129159_13.gif فتكات ست الكل Fatakat 129159 مشمش – مشمش
