صباح الخير يا بنات
عاوزة اقولكم انى باخد مريونال اربعة على اتنين ميه بس انا تعبانة اوى مش عارفة من الاعراض الجانية للحقن ولا لا وقولولي اعمل ايه
انا بصحي بدرى بطبيعتى لكن عندى اسهال وغثيان وكره للاكل فظيع استغفر الله ولما باكل بنهج جامد وحتى لو عملت اي مجهود حتى وانا بقرا لقران وضربات قلبي باسمعها وبابقي منزعجة اوى وكمان وده اللي خايفة منه اوى عندى نغز زى سكينة كده وناح رايح جاي فى بطنى من تحت تحت السرة علطول غير الحرقان اللى فضهرى من ورا زى الم الكيس اللى كان عندى والدكتور شفطهولي الاسبوع اللى فات وتعب اثناء التبول كمان
انا والله مرعوبة ومش عارفة اعمل ايه اكمل الحقن ولا اوقفها
انا رايحة بكرة المركز
بس انا عملت العملية دى من سنتين مكنتش كده خالص اثناء التنشيط بس كانت الطريقة مختلفة خالص والدوا كان منيجون ومكنش عندى كيس قبل التنشيط
تفتكروا الكيس كبر تانى وهو لالى عامل كده فيا
انا مبشربش ولا باكل الحاجات اللى المفروضة فى ايام التنشيط حتى المية باشرب لما بعطش بس معنديش حماس لاى حاجة وعاوزة انام علطول بس بابقي زى الفرخة الدايخة عالسرير
انا مبعرفش اوصل للدكتور اسماعيل خالص لدرجة المرة اللى فاتت انه كان معتذر واللى قررلي الشفط ونوع الحقن دكتور تانى خالص وهو المساعد بتاع دكتور اسماعيل ابو الفتوح
شوفتو الخيبة اللى انا فيها
اتمنى تقروا كلامى وتردوا على وتساعدونى لانى بعيط لان كمان جوزى خلقي ومش هيرضى اروح المركز انهارده ادعولي واللى تعرف حاجة تقولي عليها
ادعوك ياربي ادعوك ياربي فتكات رائعة Fatakat 397952 القاهرة – مصر