السلام عليكم ورحمة الله وبركاته,
ازيكم الاول انا حبيت اكتب الموضوع دة عشان نبطل كلنا الاوهام الى فى دماغنا وعارفة ان فى بنات كتير من الى فى وقت التبويض بتاعهم او حتى الى مستنيين البريود او الحمل هيدخلو عشان يعرفو الاعراض…
بصو بقى انا متجوزة من سبع شهور وكل شهر تجيلى البريود بتعب شكل ويكون فى اعراض من اعراض الحمل واقول نا حامل واستنى الاقيها جت .
طيب ايه اعراض الحمل بقى…………؟
مفيش يا جماعة اعراض حمل عايزين نبطل نتوهم عشان منتصدمش زى كل مرة مفيش اعراض حمل خااااااااااااااااااااااااااااااااااااااااااااااااا لص غير غياب البريود اى حاجة تحسيها وهم والله العظيم متوهميش نفسك
طيب ايه الدليل الدليل انى جتلى كل اعراض الحمل الشهر دة واله العظيم لدرجة انى كنت متأكدة زى ايه بقى هقولك فى الاول وجع فى ظهرى جامد ومش طبيعى ايام التبويض ماشى عادى نقطتين دم فى اليوم ال16 عادى بس الى مش عادى ان الوجع استمر لبعد ايام التبويض وكان وجع جامد لدرجة بنام ايه تانى وجع فى رجلى الشمال من ايام التبويض شكشكة فى المهبل صداع والله العظيم دوخة وغممان نفس كتيييييييييييييييير لما اكل او لو شميت ريحة اكل معين ونفسى مسدودة وساعات مفتوحة كل حاجة بنتوهم بيها جتلى حتى البريود اتاخرت يوم ونص والوجع بتاعها كمان كان متقطع مش متصل لحد ما جت….
الخلاصة انى عايزة اقولكم واقول لنفسى بلاش نتوهم الله يخليكو عشان منتصدمش انا كل مرة اتصدم خصوصا المرة دى كان حمل حمل يعننى مفيش كلام وممنضيعش وقتنا واجمل يام عمرنا بالقلق والوهم لان الحاجات دى والقلق بيخلينا مش حسين بحلاوة الايام الى احنا فيها لازم نفرح لحد ما ربنا يأذن لان فى الاخر الى عايزة ربنا هيكون وكمان كتير من البنات هنا وفى كل حتة حتى قرايبك هيقولولك عيشى حياتك واستمتعى بيها قبل البيبى عشان هيربطك ولو بتكملى دراستك حاولى تخلصى انا عن نفسى هشغل نفسى بتكملة الماجستير الى من ساعة ما تعبت الشهر دة وانا سايباه ونستعين بربنا فهو خير المستعان ونهتم بعبادتة ونستغفلر كتير ومننساش ان لو فى حاجة فيها خير لينا ربنا هيقدمهالنا باذنه (وعسى ان تكرهو شيئا وهو خير لكم وعسى ان تحبو شيئا وهو شر لكم والله يعلم وانتم لا تعلمون)
يل بقى فى الاخر افكركو كمان باننا لازم نستغفر الف مرة فى اليوم
وقراءة ورد قران واذكار الصباح والمساء بفكركووافكر نفسى معاكو
يلا باى باى
dandonaezzat dandonaezzat فتكات حبوبة Fatakat 1010261 cairo – egypt
سبحان الله و بحمده