اهلا بكل قمراتى هنعمل بطاطس خفيفة خالص وممكن تتاكل باردة كمان المقادير 1كيلو بطاطس مغسوله كويس و مسلوقه بقشرها ونص كيلو جبنه مو تزاريلا مبشوره وجبنه شيدر مبشوره و2بصله مفرومه فرم خشن و 2ملعقه سمن وملح وفلفل وبهارات و2فلفله رومى بارد مقطعه قطع صغيره وفص ثوم مهروس وزيتون اسود واخضر مخلى مقطع صغير و1كوب لبن وبيضة واحدة الطريقة بقى هنشوح البصل والفلفل الرومى لغايه لما لون البصل يصفر شويه ونضيف فص الثوم المهروس وبعدين نهرس البطاطس المسلوقه بعد مانقشرها ونقلب البيضه مع كوب اللبن ونتبلها بالملح خفيف والفلفل الابيض والبهارات اللى بتحبوها وممكن الاستغناء عنها وبعدين نضيفهم للبطاطس مع البصل والفلفل المتشوحين والثوم ونخلطهم مع بعض كويس ونضيف لهم الزيتون الاخضر والاسود بالكمية اللى تحبوها بس متكتروش علشان لسه فيه جبنه شيدر هتتحط على الوجه وبعدين ندهن صينيه مناسبه مقاس 26 مثلا بالسمن ونرش عليها بقسماط مطحون ونحط خليط البطاطس فيها ونفردها كويس ونساوى سطحها ونحط على وجهها الجبنه الشيدر والجبنه الموتزاريلا وندخلها فرن متوسط الحرارة لغاية لما الجبنه تسيح ونخرجها بسرعة ونقطعها ونضعها على طبق التقديم اللى عليه المفرش الدانتيل الجميل وتتاكل ساخنه ومعاها سلطه خضراء او طماطم حلقات بالثوم والملح وممكن لوعايزين تاكلو ها بارده برضه بتبقى جميله قوى وبالهنا والشفا ومتنسوش التقييم ودمتم لى مواضيع هذا القسم برعاية
noorelhoda5 noorelhoda5 318281_3.gif سوبر فتكات Fatakat 318281 المدينة الفاضلة – مصر
سبحان الله و بحمده