السلام عليكم ورحمه الله وبركاته …
انا عضوه جديده معاكم فى المدونة بس انا مبسوطه بيكم اووى وحسه انكم اخواتى والله واستفدت كتيررررر اوى لانى خدتى لى جولات ف المدونة وفرحت جدا بالمعلومات اللى انا لاقيتها ..
وحابه افضفض معاكو …….
بصو بقا يا اخواتى يا امامير هحكيلكم حكايتى ……
خلينا نذكر ربنا كده ونقول بسم الله الرحمن الرحيم .
انا بنوته عندى 26 سنه . انا وحيده شويتين والدتى متوفيه من 15 سنه الله يرحمها وعايشه مع والدى واخويا بس ربنا يخليهم ليا يارب .
انا من صغرى وانا منطويه شويه ومش ليا اصحاب كتير ( بس ليا اصدقاء عادى يعنى ) . المهم ان انا كانت كل حياتى عباره عن المزاكره وبسسسسسسس كنت شاطره الحمد لله وبقيت دكتوره .
من بعد التخرج وانا حياتى متلخبطه . انا خجوله جدا ومكنتش بكلم اى ولد لا ف درس ولا كليه كنت بأعجب بناس كتير بس مجرد اعجاب قى صمت .
مع مرور الوقت بدأت اتخبط مع الناس الى حواليا . اسيب صحبتى دى عشان بتعمل كزا واسيب دى عشان كزا كده يعنى ( انا اللى بسيب ) وابعد عنهم . وقرايبى مكانوش مرتبطين بيا . كانو بيضايقونى برضو ممكن يتريقو عليا يعملو حاجه نزعلنى . ومحدش منهم حاول يختوينى او يعلمنى اى حاجه تنفعنى ف حياتى ( دول اهل والدتى ) وكانو كده مع بابا واخويا برضو بس انا اكتر . يعنى يتجاهلونى يوشوشو بعض ويضحكو ادامى وحركات البنات العبيطه دى . واما ماما توفت محدش منهم حاول انه ييجى حتى باخدنى ف حضنه انا كنت طفله . ربنا يعوضنى يارب .
المهم انا اتخطبت مره وكانت خطوبه مش موفقه خالص ابدا وكلها نكد والشخص ده مكنش مناسب هو محترم اه بس تعبنى جد ا وكنت ف حاله عياط مستمر . انا معرفتش اخليه يحبنى .
ودلوقتى مبقاش فى حد بيحاول يقرب منى ممكن اعجاب للحظه وخلاص .
انا مش بعرف اكون علاقات ( ناجحه ) معنديش ثقه ف نفسى . كنت الاول احسن من كده ونشيطه واموره وموزه ههههههههه دلوقتى حالى اتلخبطت حتى صحتى ف النازل ولازم كل فتره اتعب وارقد ف السرير . جالى اكتءاب وكنت باخد علاج وبطلته .
اللى عاوزه اقوله ان انا كنت الاول احسن فى كل شىء دلوقت ف الناااااااااااازل ف كل شىء . مبقاش عندى اراده وبقيت بحب اقعد ف البيت حتى البلاكونه ممكن اقعد اسبوع مدخلهاش . والشعل ممكن انزل شغل شويه واقول لا مش عاجبنى النظام او اتعب وارجع البيت تانى .
انا عاوزه افرح بنفسى واخليها قويه زى الاول واحسن . دلوقتى كل حاجه عندى بايظه حتى الهرمونات وجسمى باظ طخن وكده .
وكمان انا شخصيتى بقت ………….. ضعيفه شكاكه وخوافه ومتشاءمه .
انا اسفه انى طولت بس بجد لو حد عنده معلومه او نصيحه ممكن تفيد يبقاا شكرا .
بس فى حجات حلوه كان المفروض ابدأ بيها انى حنينه جدا على اهلى ومش بتكبر على حد وبحنرم اللى ادامى جداااااا وممكن ااجى ع نفسى وكمان والله اموره الحمد لله بس الزعل اللى بيخلينا كده.
[/i][/center]
neww girl neww girl 1127410_1.gif فتكات متميزة Fatakat 1127410 alexandria – egypt