ازيكو يا احلى فتوكات بصو بقى انا مش هكدب واقول انى طباخة ماهرة ولا انى مقضية نص عمرى فى المطبخ
توء توء absolutelyyyyyyyyyyyyyyyyy
الكدب خيبة ياقمرات انا مبدأتش ادخل المطبخ واعك قصدى وافنن غير لما اتدبست واتجوزت وسافرت كمان وكان لازم حتما ولابد اعمل منظر واتعلم وربنا يخليلنا فتكات حببيتى ورفيقة دربى اتعلمت منها حاجات كتييييييييييييير
حاااااااااااااضر من عونيا هبطل رغى وادخل فى الموضوع
بصى ياقمر منك ليها انا وجوزى مبنحبش الاكل التقليدى وهو بيمووووووووووت فى حاجة اسمها فراخ بانية لو تأكليهاله صبح وضهر وليل يوميا مش بيزهق منها … بس طبعا زى ماحنا عارفين انها مليانة سعرات والدنيا مش ناقصة الميزان اشتكى
فقدت افكر وافكر وافكر وقلت لازم اتحايل على موضوع البانية ده واحوله لاكل صحى وقد كان بفضل الله
اتفضلو بصو بصة صغننة كده :
بصو انا بدل ما اقلى الفراخ تبلتها كويس اوى فى الاتى :
ماء بصل وملح وفلفل وتوابل فراخ وخل او ليمون وجنزبيل …
انا كنت متبلاهم وشايلاهم فى الفريزر كده اصلا وفعلا فرق فى الطعم اوى … وبعدين قبل التسوية حطيت عليهم شوية كاتشاب كده وقلبتهم عشان يدوها لون وهى عالنار
وبعدين جبت طاسة تيفال وسخنتها اوى وحطيت معلقة زيت وحركتها فى الطاسة ونزلت بشرايح الفراخ عليها على طول
لغاية ما لونها اتغير زى الصورة كده قلبتها عالوش التانى مش بتاخد 3 دقايق انتو عارفين الفراخ بتستوى بسرعة اوى ودى كمان متقطعة رفيع لانها بانية
[COLOR="rgb(255, 140, 0)"]وبعدين اهم تكة فى الموضوع والى خلت ريحة العمارة تتقلب لدرجة جوزى وهو عالسلم بيقول هى الست دى جابت مشويات منيييييييييين … طبعا حتة الفحمة المتينة الى تسخنيها جامد وتحطى عليها نقطتين زيت وتغطى بغطا محكم وتسيبيها لغاية ما تبرد بجد والله العظيم ريحتها ولا المشوية عالفحم روووووووعة وطعمها كانك بتكليها من عند ابو شقرة شخصيا بصراحة انشكحت من نفسى اوى وعملتها يومين ورا بعض
وعملت جنبها مكرونة بالفلفل الرومى والزيتون ودى سهلة اوى مش محتاجة كلام كتير ورغى انا عارفة انكو زهقتو وبتقولو البت دى ما صدقت تتكلم ولا ايه ودى حقيقة فعلا
بشوح الفلفل المتقطع مع زيتون شرايح وفص توم صغير وبعدين بضيف الصلصة والمية والملح والفلفل والزعتر وبعدين المكرونة المسلوقة وبس كده
الميزة فى الاكلة دى انها سررررررررررررريعة اخر حاجة فى الدنيا دخلت المطبخ وفى اقل من نص ساعة كنت محضرة الاكل بالشكل ده ..اتفضلو معانا
مش طالبة منكو يا فتوكاتى غير الى تجربها وتعجبها تيجى تفرحنى وحاجة كمان نونو خالص
دعوة حلوة ان ربنا يهديلى بنتى وزوجى ويفك كربنا وييسرلنا امورنا … ولك بمثل ان شاء الله
والسلام عليكم ورحمة الله
[/color] مواضيع هذا القسم برعاية
dr_misho dr_misho 373963_2.gif فتكات ست الكل Fatakat 373963 بلاد الله – ارض الله الواسعة