اول مره اكتب ف القسم ده معلش هتعبكم معايا يادكاترة فتاكات
فيه واحده اعرفها وعزيزه عليا اوووووووووووى كانت بتحكيلى ان بيجلها الم فى صدرها الشمال من الجنب عند الباط"بس ف الصدر مش الباط" الموضوع ده من حوالى خمس سنوات بس مش دايما اوقات اوقات وهى بتعمل تست لنفسها ف البيت ومافيش اى تكتلات
بس فيه حاجه مهمه اوى لازم اقولكم عليها او هما حاجتين
اولا هى عندها اخت جالها المرض ده وشالت صدر من الاثنين "بعد الشر عن اى حد"
ثانيا الالم اللى بيجلها ده بدأ معاها بعد موضوع عمليه اختها مباشرة فانا حاسه ان الموضوع ده "نفسي" بس هى بتقول انها بتحس بوجع فعلا
وهى حامل الموضوع ده زاد معاها وكان فيه كتله صغيره ف نفس الصدر ونفس المكان قد الحمصه وقالت لدكتور النسا بتاعها وكشف عليها وقالها ده بيبقى من اللبن وبعد الرضاعه هيروح وقالها نفس الكلمه اللى قولتهولها ان ده نفسيا عشان اختك "هو يعرف العيله عنده" وفعلا مع الرضاعه الكتله دى راحت بس لسه بيجلها الوجع على فترات وهى حامل حاليا وجالها مره ولا اتنين الوجع ده تانى
هى خايفه اووووووووووى ومرعوبه انها تكشف وانا نفسي اطمنها او حتى لو عرفت ان هى ف خطر اقدر اقنعها تكشف
على فكره انا دخلت على النت وعرفت اعراض المرض ايه وقولتلها وهى قالتلى مش عندها اى اعراض من دى اللى هى مثلا الافرازات من الحلمه او تغير شكلها او غمقان ف الجلد ف منطقه معينه من الصدر او وجود كتل ومع ذلك هى عندها وجع .. فهل ممكن يكون فيه بعد الشر كانسر بس مش له اعراض رغم ان مدة احساسها بالالم كبيره 5 سنوات مثلا؟؟؟
وفيه مشكله هل ينفع تعمل اى كشوفات حاليا وهى حامل؟؟؟
اسفه انى طولت عليكم ويارب تفيدونى
Super*Mamy Super*Mamy فتكات نشيطة Fatakat 827575 الزقازيق – مصر