االسلام عليكم فتوكاتى اخباركم اية
انهاردة حابة اطرح موضوع مشاكل الاهل اللى بتحصل من اول مالابن يتجوز وتبتدى المشاكل بين زوجتة وامة وابوة واخواتة
اكيد اول سبب وهو الغيرة الزوجة اول ماتتجوز عايزة جوزها ليها فقط لما يروح لمامتة تغيير عايزاة معاها ديما لما اخت الزوج تتدلع وتطلب الزوجة تقول انتى ليكى ابوكى
وانا مليش غير زوجى اطلب منة اخوات الزوج يطلبوا تقول الزوجة طب مااولادك اولى هما شحطة اما ولادك محتاجينك ومحتاجين اللى يصرف عليهم
نيجى للعكس الزوج مع مراتة الام تغيير هو مبيجيش يقعد معايا لية ومش بيجيلى كتير لية اة المزغودة مراتة مقوماة عليا ومش عايزاة يجى
واكلة بعقلة حلاوة ومربى بالكريمة واخت الزوج تبتدى الاسفينات لانة اخوها مزعل الست الوالدة ولانة مبقاش ليها وكانت الاول بتطلب بعين دلوقت بتطلب وهى مكسوفة
دة غير سوء الظن والكلام اللى بيتقال تلاقية اتحول بقدرة قادر لكلام تانى وانك تقصدى تعايرى وبتلحقى والشكوى للزوج والزوج ياعينى عمال يتشد من هنا ومن هنا ومش عارف يرضى مين
تانى مشكلة الاولاد عايزين الاولاد يقولو دول ولادنا ولاد ابننا والزوج عايز يثبت لامة وابوة انة راجل وبيتسمع كلامة فيبدا بالمرواح عند امة وابوة وهى ياعينى تروح لاهلها بالعافية ولو راحت لازم الحرس الملكى حواليها ومن الساعة كذا لكذا طب هبات لا معنديش ستات تبات برة رغم انو بيبات عند اهلة بالاسبوع وهنا الزوجة تبتدى تكرة المرواح هناك
لانها مش بتلاقى الصحبة وخصوصا ان ولدتة ست كبيرة واوقات الاخوات ارشانات فبتحس انها مقيدة ووحيدة وتروح تبقى قاعدة مكرهة وهما كمان يلاقوها كدة فيبتدى النفور والكرة احيانا
تالت مشكلة لو الزوج متغرب تلاقى اغلب فلوسة عليهم وممكن يجى على نفسة وعلى ولادة عشان يرضى اهلة وطلباتهم اللى مابتخلصش الزوجة تبتدى تحس بالظلم هو انا متغربة عشان اهلك هو انا دايقة المر عشان مستقبل اهلك ولا مستقبل ولادنا ولو الزوج قال يوم معييش اةةةةةةةةةة يبقى مراتة مش عايزاة يبعتلنا ويدخلو فى سوء الظن
رابع مشكلة لو فى بيت عيلة الاختلاط الزايد بيولد الانفجار والمشاكل الكتير على اتفة الاسباب مراتك مبتنزلش مراتك نازلة متاخر الاكل هيتعمل امتى ويراقبوا كل تصرفاتها من دخول وخروج وتبقى مقيدة ومعندهاش اى حرية وتبتدى المشاكل
رابع مشكلة لو حصل بين الزوجة والاهل مشكلة حتى لو اهلة غلطانيين يطلع الزوجة هى اللى غلطانة ويبقى فى صفهم اكتر الوقت ويبيع حبة لمراتة فى ثانية وممكن طلاق كمان عشان خاطر الاهل والست لما تشوف كدة تكرة اهلة مليون مرة لانهم السبب فى مشاكلها مع زوجها
خامس مشكلة لو الزوجة جابت حاجة جديدة النظرات من تحت لتحت مفيش اية الجمال دة اية الحلاوة دى لا اة شايفة ياما جايبلها اية وعلى كدة مش لايق عليها
وتبتدى تطلب الاخت او الام تطلب عشان تجيب حجات وتغيظ الزوجة انها جابت حاجة اغلى او اشيك وبفلوس جوزك اهوة
سادس مشكلة التكبر تلاقى اهل الزوج مفيش اتصال كانا اللى متجوزة ابنهم وحدة شحاتة ومستعريين منها والزوجة هى كمان تقول هو انا معنديش كرامة ناس مش بيكلمونى ومش محسسنى بكيانى انى زوجة ابنهم هكلمهم ازاى
مشاكل ملهاش حدود وكل ماتخلصى من مشكلة تلاقى التانية ومتلاقيش مفر ولاحل الا المعاملة بحدود عشان الحياة تمشى وعشان خاطر زوجك وولادك وميحصلش مشاكل
اللى مر بمشاكل وعرف يحلها يحكيلنا يمكن نستفيد من حل المشكلة دى واللى مش لاقيلها حل حتى لو عاملتيهم حلو تلاقيهم هما هما مبيتغيروش
ريهام عز الدين ريهام عز الدين 643674_3.gif فتكات متميزة Fatakat 643674 ابوظبى – الامارات
سبحان الله و بحمده