لو سمحتم طفل رضيع عمره 45 يوم وهو جاتله اكزيما الجلد للاسف من اول اسبوع من الولادة ودلوقتي ماشي بكريم ومرهم الدكتور كتبه له وانا انهارده غيرت اللبن وجيبت لبن اسمه ايزوميل 1 وهو لبن من الصويا وخالي من اللبن البقري وسؤالي هنا عن كذا حاجه
1- الطفل عنده كحة بقاله يومين بس متقطعة ومش بتظهر الا لما يرضع فهل في حل للموضوع ده؟
2- بيرجع برضه بقاله يومين يمكن نص كمية الرضاعة اللي بياخدها ده غير الكشط طبعا وهو مواعيد رضاعته كل ساعتين وللاسف بيقعد ساعة علي بال لما يتكرع وبيعمل كده مرة واحده او اتنين مع اني باتبع كل الخطوات اللي الدكتور بيقولي عليها واني اشيله واطبطب عليه من ضهره بس للاسف مفيش فايده وطبعا بيعيط كتير اوي اوي واضطر احضرله رضعة تانية لان صدري مفيهوش لبن يكفيه خالص
3-في دكتورة قالتلي حطيله مياه عادية في الببرونة علشان تلاقيه عطشان وخليه يشربها كأنها بيبي درنك او بيبي كالم فهل ده صحيح في العمر ده يشرب مياه عادية
4-انا جيبتله سكاته من اسبوعين لانه للاسف كان طول اليوم بيبكي وهي بتسكته شوية بس سمعت انه بيتعود عليها وعمره ماحيسبها الا بعد وقت طويل جدا فهل ده صحيح وايه الحل علشان اسكته لاني بانيمه علي بطنه وباعمل كل حاجة بس للاسف بيفضل يعيط وباديله كل علاج الامساك والانتفاخ
5- البيبي بيخنفر وبالذات لما بيرضع وبيبقي صوت الخنفرة عالي وكأنه بينهج بس لما بيبقي نايم مش بيعمل صوت الخنفرة دي فهل ده ليه سبب
انا باذن الله حاروح تاني لدكتور بس في واحده قربيتي وصفتلي دكتور بس هو اجازة وراجع كمان كام يوم فعلشان كده قلت استفسر منكم لحد لما يجي كشف الدكتور وياريت تفيدوني وشكرا لكم
zena1990 zena1990 ممنوعة من المشاركة Fatakat 349501 بلاد الله – بلاد الله