حبايبي حبايبي حبايبي
طبعا كلنا متكتكين فالبرد
وخايفين علي اسرنا وولادنا يعيو فالجو الجميل ده
فقلت اقولكو علي المشروب الجامد والحلو قوي ده عشان تدفو معايا
قلت اقولهولكو عشان نستفيد ونخلي اسرنا دايما بصحه وخير
اول حاجه هاتي لمونتين واغسليهم كويس قوي وقطعيهم شرايح
هاتي برطمان نضيف وتكوني غسلاه كويس ومنشفاه كويس وكمان غطاه يكون نضيف
حطي الليمون المتقطع جوه البرطمان
هاتي زنجبيل وقطعيه شرايح وحطيها مع الليمون فالبرطمان
كملي باقي البرطمان بالعسل النحل وحطيه بالراحه عشان تتأكدي انه تخلل شرايح الليمون والزنجبيل
بعدها اقفلي البرطمان كويس وحطيه فالتلاجه لمده يومين
بعدها بقي حضري المشروب ازاي بقي ؟؟؟؟؟
انا اقولك …..
اغلي مياه عادي جدا كانك هتعملي اي مشروب ساخن
بعدها بقي حطي معلقتين من المشروب ده علي كل كوبايه من المياه المغليه
وقلبي كويس لحد مايدوب
وبالهناء والشفاء عليكي وعلي كل اسرتك
ربنا يبعد عني وعنكو وعن اولادكو واولادي ان شاء الله لما ييجو كل الشر والامراض
لو عجبكو الموضوع ادعولي ربنا يهدي الحال ويقرب فرحي بدل ماهو عمال يتأجل
ومستنيه تقييمكو
في رعايه الله وامنه
sasoooo loma sasoooo loma 1052825_2.gif فتكات هايلة Fatakat 1052825 الهرم – مصر