السلام عليكم ورحمة الله وبركاته
ازيكم يا فتوكاتي القمرات يا رب تكونو بخير كلكم
انا جايبالكم طريقة عمل اللبنة البيتي وبجد جميلة جدا ومكوناتها بسيطة خالص وحنستخدم فيها اللبن المجفف
نبتدي بسم الله
المقادير:
2 كوب حليب مجفف
4 كوب ماء دافئ
علبة زبادي
ملحوظة يا بنات : كل كوب حليب مجفف تحطيلو 2 كوب ماء يعني كمية المية ضعف كمية الحليب اوكي
نيجي للطريقة :
نحط المية على النار لغاية ما تبقى دافية وبعدين ندوب فيها الحليب المجفف وعلبة الزبادي
ونفضل نحركهم لغاية ما كلو يدوب في المية
بعدين نطفي النار دلوقتي الخليط اصبح اكتر من دافي يعني ما تسيبيهوش يغلي
عبي الخليط في البرطمانات بتاعتك على طول اول ما تطفي النار
بعدين لفي البرطمانات في بطانية تقريبا لمدة ست ساعات والاحسن انك تعمليها بالليل وتلفيها في البطانية لغاية الصبح
تيجي يا حلوة انتي وهية الصبح تفتحي برطماناتك وتتفرجي عل احلى لبنة واييه مزبدة يعني زي قوام الزبادي ناعمة وطرية وكلها حنية
الصورة من النت يا بنات عشان انا ماصورتش ساعتها
حتلاحظو يا بنات انكم كل ما تاخدي من اللبنة حتشوفو سائل اصفر في البرطمان عادي ابقى كبيه ميلي البرطمان واتخلصي من السائل ده
مش عاوزة تقيييم ولا شكر عاوزة دعوة حلوة منكم براحة البال والذرية الصالحة
مواضيع هذا القسم برعاية
ليان1 ليان1 images/flowersavatars/avatar0025.jpg فتكات متميزة Fatakat 275686 في رحاب الله – بلاد الله الواسعة
