بسم الله الرحمن الرحيم
الأول احب اعرفكم ان الطريقه دى مش مجربه بس لا دا انا بعمله كتير خاصة
فى الشتاء والربيع لانه احسن وقت للسمك.……..هتجيبى سمك بورى كبير
وتغسليه كويس جدا من الخياشيم اهم خطوه هى غسله جامد جدا
-فرديه على مصفى مدة 3 ساعات لما يصفى ميته خالص
– بعد كده تجيبى قماش يكون قطن عشان يشرب الميه
– وتلفى السمك كل واحده فى قطعة قماش لوحدها ويكون القماش كبير
– لفتيه كله خلاص ضعيه على صنيه واتركيه للصبح
– تانى يوم شغلى الفرن مدة 5دقائق لمجرد انه يسخن وطفيه وحطى السمك
ياخد صهد الفرن مدة 2دقيقه وتخرجيه وترجعى تشغلى الفرن تانى 5 دقائق
وتطفيه وتحطى السمك مره اخرى وتخرجيه المهم تكررى الموضوع ده 3مرات
لغايية اما تفتحى القماش وتتغطى على السمكه تحسى انها نشفت من الميه
-تجيبى لكل سمكه 3ملاعق ملح كبيره تحطى بداخل الخياشيم نص الكميه
والنص التانى تلفى بيه السمكه وبعد ما تخلصى الكميه تكونى محضره كيس جامد
تحطى فيه السمك بعد ما لفتيه بالملح كويس وتقفليه جامد قوى عشان الميه الى هتنزل
منه ماتتسربش…….تجيبى علبه بغطاء محكم وتحطى فيها كيس السمك وتقفلى عليه
مدة 4ايام وتفتحى العلبه تقلبى الكيس وتكررى قلب الكيس كل يومين وبيستوى
بعد اسبوعين (ومش هتشتريه من السوق ابدا)……………………………….
الاخطاء اللى ممكن تقعى فيها ؟
انك تسخنى الفرن ذياده عن الزوم فتحطى السمك تلاقى لحمه استوى
اوعى تسيبى الفرن شغال والسمك فيه
لما تفتحى عليه اول مره العلبه هتلاقى له رائحه مش ولابد عادى هوه كده صح
ويستحسن وانت بتفتحى تقلبى الكيس تكونى لوحدك عشان محدش يكش منه
وخلى بالك من الكيس لازم يكون جامد
……………..بالهنا والشفا…………………………………….. ……. مواضيع هذا القسم برعاية
عزه الخولى عزه الخولى 60865_1.gif فتكات نشيطة Fatakat 60865 الاسكندرية – مصر
سبحان الله و بحمده