السلام عليكم يا فتوكات
هحكيلكم انا عملت ايه فى قراية فتحتى و يا رب حد يستفاد منى
اولا انا مكنش عندى وقت يعنى فى اسبوع واحد اعمل كل حاجه و اتفقنا انى هلبس دبله فى الفاتحه و عشان كده كنت عاوزه تبقى حفلة يعنى مش مجرد قراية فاتحة
اولا نزلت جبت فستان و الصندل و البادى و الطرحة و كله فى يوم واحد
و نزلت يوم تانى اجيب الحاجات اللى هتعمل ديكور البيت
جبت كاسين و صنية
الكاسين و الصنية جبتهم من كارفور ..انتوا هاتو من اى مكان
و الحاجات اللى استخدمتها للتزيين جبتها من الموسكى من عند حارة اليهود و المكان اللى بيبيعوا عندها حاجة السبوع تجيبى شريط الهدايا اللون المناسب انا جبت فضى و ابيض و قماش فرو لو عاوز انا جبت مش فرو جبته عادى
و بلالين و هاتى النوع اللى ب 25 100 بلونه الرخيص قالولى مش حلو بيفرقع و هتلاقى الوان كتير هاتى حسب الثيم اللى هتعمليه يمشى مع الفستان بتاعك
انا كل حاجه جبتها موف
ودى صورة البلالين و انا لزقتها فى الستاير و كان شكلها حلو و حطيت كرسيين ليا انا و خطيبى و فى النص بلونتين بردو من حارة اليهود و كان نفسي تبقى هيليوم بس مش عرفت المهم اتصرفت و لزقتها فى الستارة كانت حلوة بردو
و دى صورة مخدة الدبل و كتبت عليها حروفنا
و تعملى حركات بقى بالبلالين فى كل مكان و الله بتعمل شكل حلو اوووووى و ممكن تكتبى عليهم
دى ورده كده عملتها سهله تربطيهم فى بعض بالخيط و ثبتى على الحيطة
و هنا عملت البلالين فى مدخل الصالون
الكاسات بقى دورى على النت على افكار و هتلاقى كتييييييييييير بس انا حبيت انهم يبقوا سيمبل كده و فى الخطوبة هعمل شكل تانى ان شاء الله
و كتبت باللزق اوهو اسمى و اسمه و رشيت برونز و ثابت لحد دلوقتى و كان شكله حلو
و اللى تحت فى الصنية جمب الكاسات دى بلالين زياده قطعتها بالمقص و عملت الشكل ده
قولوقى رأيكوا و اللى عاوزه تسأل فى اى حاجه تقولى
و عقبال كل البنات يااااااااااااااااا رب
fofa84 fofa84 images/avatars/whiteflower.jpg فتكات متميزة Fatakat 551022 القاهره – مصر