السلام عليكم ورحمة الله
طبعا انا بعانى مشكله جامده جدا
اولا لانى معنديش اراده قويه وثانيا لان جوزى بيرجع بالليل متاخر واكيد كتير زيي كدا طيب انا بحاول بقالى 6 شهور اعمل رجيم وكل اللى خسيته حوالى 8 كيلو لما جالى احباط لان طول النهار بمشى على الرجيم واجى بالليل طبعا اكل وحتى لو مااكلتش طبع ادوق شويه كدا وشويه كدا وكمان عشان احنا اتنين بس فبعمل كميات صغيره بس طبعا برده بتكون معموله بسمنه بلدى وتحمير وتسبيك وكدا بقى وكمان طول النهار وانا باكل ابنى الصغير اكل معاه معلقه كدا ولا حاجه وطبعا مع انى بحرم نفسى بس اللى انا بعمله برده بيبوظ الرجيم وكمان شغاله على اعشاب طول النهار بس مش بتحرك كتير يعنى تقريبا قاعده طول النهار امام الكمبيوتر ومن الساعه 7 كدا بالليل ابدا اعمل الاكل واروق الشقه لان جوزى بيرجع الساعه 2 باليل شوفتوا الهنا
وانا بقى بفضل كمان صاحيه لحد الساعه 5 الصبح يعنى طبعا كل شويه عاوزه اكل
هاا بقى مين زيي وعندها نفس المشكله ومين كان عندها المشكله دى وحلتها مع انى شايفه ان الحل انى مااطبخش عشان مااكلش بس ابنى وجوزى زنبهم ايه وحتى لو ما طبختش فبيكون العشا جبن وبطاطس محمره وبيض ودا بياكل اكتر
ياريت بقى نتناقش لوحد عنده حل او خطه نمشى عليها يمكن اجوزنا كمان يخسوا معانا بدل ماهما اللى تخنونا من حرق الدم
نورسين29 نورسين29 فتكات رائعة Fatakat 260416 مدينة الحزن – مصر
سبحان الله و بحمده